In Kulejan a Want Akatish:

“Nzamb ndiy mwin kusongish.” (1 Kor. 3:​6, NW) Chading cha musangar mud ik pa kuman kusong mu chir cha a Congo awonsu aad! Mu chirung cha muvu wa mudimu wa 2003, asambishin malejan ma Baibel masu 100 000 ni kusut! Chinech chidi cha musangar.

Yehova uyukishin mujikit mu jindim kushalijan ja mu chir chetu. Chakwel kuwejin usu ku kubudish mikand mu jimwing ja jindim ja teritwar wetu, Chisak Chitakedina chakwatin mupak wa kutek mabiro maad ma in kukarumun. Biro umwing udi ku Lubumbashi, Katang, R.D.C., mulong wa yisak ya in kukarumun Kiluba ni Uruund, ni biro mukwau udi kwi Mbuji-Mayi, ku Kasai wa Kwingangel, mu R.D.C., mulong wa yisak ya in kukarumun Otetela ni Tshiluba. Mabiro ma kukarumun masadil mud mitiy ya Betel. Kushemunik kwinoku kwasidin pa kuyikwash in kukarumun kwikal chisu chawonsu nich yikarumok mu jindim jikarumwinau.

Chakwel kubudish mikand mulong wa kujimb kwa chingand cha mangand mawonsu, ndond ya Kuchapin mikand yidia ku chingand cha Watchtower, chidia piswimp ni Wallkill, mu New York, akat kuyijimbish. Kuya kurutu kuwamp kusadikina mu kuwejinaku kand 1,4 ektar ku kujimb. Chidi chilik chimwing nich kujimb kwa Yot ya Want 30! Mashiny maad ma usey ujim nakash ma katat, ma kuchapin mikand amatenchikin kushik kwinsambishil kwa 2004. Mashiny ni mashiny makutwish kubudish magazet 25 ni kusut pa sekond umwing. Akutenchik kand ndond jisu ja kuchapin ni kutumin mikand mu 2004. Chikez kwikal nich chibudikin cha kubudish mikand yivud pakwez nich kusadil kwau antu akemp.

Pitusambishina muvu wa mudimu wa 2004 ap, twinungin ney pamwing mu kulembil anch Yehova eza ‘asongisha mabuj.’

Akadivar nen,

Biro wa Mutiy wa Congo (Kinshasa)