Twilejany Buku Mwifukwila Nzamb

Atondin buku Mwifukwila Nzamb Umwing Kusu Wakin chakwel kumwilej nau antu asu kupwish kwa kwilej nau buku Ronganyin. Kushinshikin kwetu kwa mukand winou ku Dilejan dia Buku dia Chikumangen kukez kutukwash chakwel kumusadil buku winou mu mudimu ni kukez kutukwash kujimbish rukat retu ni kujikitish kwetu mulong wa Yehova ni dirijek diend. Ov mutapu ik tukutwisha kwisakin sens dilejan dietu dia buku Mwifukwila Nzamb?

Kutakel Dilejan: Mulong tukez kushinshikinang shapitre mwawonsu wa kabuj ku rubing ni rubing, atulam a malejan ma buku afanyidin kusadil chisu nich manangu. Akez kusot kuya nich mau dilejan ku mapagraf ma kwisambishil chakwel kusha chisu chijim mulong wa malejan ma usey, makatap kumekan chisu chivud kwinyim kwa shapitre. Kwisambin mu wiswimp mushet wa kuchirikin udia kwisudiel kwa dilejan ni dilejan kukez kuyikwash antu adiaku kuvurik manans majim.

Yipul yitenchikinau mulong wa kutongijokin in kwambambin yidi piswimp mu chikunku cha mashapitre mawonsu ma buku Mwifukwila Nzamb. Ukutwishany kutan chilikej pa paj wa 48-49. Chiwapidilap kuyitang yipul mud yiney pamwing ni maparagraf. [1] Pa chisu cha kuyishinshikin pamwing nich chisak, kalam ukutangish mifund ni kwiyisambin anch chisu chidiaku.

Kusambel Kwirijek: Kwirijek nawamp mulong wa dilejan kwitin yom yivud kupandakanamu kwau kutek tushony ku yakul. Kutongijokin kwa kashinsh piur pa mifund yijimbwilau kukez kututwishish kurijek yidiap ching kusu yirumburil yetu, pakwez, chipandikenamu nakash, michim yetu. (Ezra 7:​10, NW) Etu awonsu tukutwish kusadil pamwing ku kwambulijan dikasikesh ku kupan nich kwikepish yirumburil yetu.​—⁠Rom. 1:​11, 12.

Dilejan dietu dia buku Mwifukwila Nzamb dikez kutukwash kusejin piswimp nend Yehova ni dikez kutuwanyish chakwel kuyikwash antu akweta michim yiwamp kwinung nau pamwing mu kumwifukwil ndiy. (Kus. 95:6; Jak. 4:⁠8) El etu awonsu, twisakinany sens kudiokal ku ditenchik dined diwamp dia muspiritu.

[Caption on page 3]

[Picture on page 3]

Mwifukwila Nzamb Umwing Kusu Wakin

Program wa Dilejan dia 2003

Mwink. 20: shap. 1

27: shap. 2

Kal. 3: shap. 3

10: shap. 4

17: shap. 5

24: shap. 6

Kach. 1: shap. 7

8: shap. 8

15: shap. 9

22: shap. 10

29: shap. 11

Program wa Dilejan dia 2004

Chiw. 5: shap. 12

12: shap. 13

19: shap. 14

26: shap. 15

Kas. 2: shap. 16

9: shap. 17

16: shap. 18

23: shap. 19

Rish 1: shap. 20

8: shap. 21