Kusambishin pa Rubing ra Chiwong 6 Tukwilej Buku Approchez-vous de Jéhovah
1. Kusambishil pa rubing ra Chiwong 6, ov, mitapu ik yimwing tukwikal nich ya kumusejin Yehova piswimp?
1 Yehova usotil tumusejina piswimp. (Jak. 4:8) Mulong wa kutukwash kusal mwamu, kusambishil pa rubing ra Chiwong 6, tukez kwilej buku Approchez-vous de Jéhovah pa chisu cha Dilejan dia Bibil dia Chikumangen. Pa mulong utadina buku winou, paj wa mazu mansambishil ulondin anch: “Tukusej piswimp ni Nzamb anch twatongijokin nawamp pa mutapu umekeshiningay ngikadil jend ku umwing ku umwing ni, anch twatongijokin kand pa mutapu uwamp wamekeshay Yesu Kristu ngikadil jend ni kupwa anch twijik mutapu tukutwisha niyetu kudim ngikadil jinej.” Yikumangen yashinshikina buku winou kusambishil pa muvu wa 2004 ni 2005. Pakwez, chikwikal chisu chiwamp kudi mamiliyon maad ma in kulejan ezina mu uyakin kusambishil pa mivu yiney, chinech chikez kwikal kapamp ka kusambish kawiy ka kwijik ngikadil ja Yehova tukeza kwisambin kachom ni kachom. Mulong wa in kulejan ileja buku winou kwinsambishil, kumuchirikin buku winou kukez kuyikwash chakwel akudisha nakash musangar wau piur pa ngikadil ja Yehova.—Kus. 119:14.
2. Ov, mutapu ik ukezau kwilej buku Approchez-vous de Jéhovah?
2 Mutapu wa Kwilej Buku Winou: Mwin kutakel ukez kusambish nich mazu mansambishil ma mu wiswimp, pamwing ap mufund umwing ap yaad. Buku winou kajimbwilap mifund yifanyidina kutang, pakwez chisu cha dilejan mwin kutakel ukez kutond mifund ya usey yifanyidinau kutang. Akutwish kwipul chipul chimwing ap yaad kwisudiel kwa dilejan ni dilejan mudi dichirikin. Anch malejan ma kwilej makwet mushet ukweta mutu wa mulong ulondina anch: “Yipul ya Kutongijokin,” akez kuyisadil mudi dichirikin. Anch kudi chisu, mwin kutakel ukutwish kujimbul mifund ya kutang yidia mu kamushet ni ukutwish kwipul yipul ya kutongijokin chakwel in kutesh akasikesha minsamb.
3. Pa chisu cha kwilej buku, ov, chom ik tufanyidina kusal ni mulong wak?
3 Kutaninamu Kuvud: Irijeka kurutu kwa chisu cha kwilej buku winou. Ipana mu kwakul, chakwel utambula ukwash wa kumushiman Yehova, uvurika jinsangu ukwilejanya ni utaninamu ku yakul ya in kukumangan akwau. (Kus. 35:18; Heb. 10:24, 25) Piutongijokidina pa ngikadil jipandakena kuwap ja Yehova, ukez kumusejin piswimp. (Kus. 77:11-13) Kupwa, ukez kukwat mupak wa kuziyil ku yijil yend ni chikez kukubachik chakwel uyileja antu akwau piur pend.—Kus. 150:1-6.