Chikumangan cha Distrik Chitukasikeshin Kwend Nend Nzamb
Musangar mud ik wa kuchirikin program wa Chikumangan cha Distrik “Endany Nend Nzamb” umutakel wa patok wa Yehova: “Njil ya kuya yawiy ey. Yangany mwinimwa”! (Is. 30:21) Kusadin malejan twatambwila kukutukwash ‘tubabalany mudi mutukata kwendany.’ (Ef. 5:15) Kutongijokin pa yom yitwilejina kukutukwash mudi mutukata “kwendil mu yakin.”—3 Yoh. 3.
Sadil yipul yilondwila ey pamwing nich yom yiwafunda ku chikumangan mulong wa kwirijek ni kwakul mu kuchirikin kwa program wa chikumangan cha distrik ch a muvu unou. Dichirikin akuditakel pa Chikumangan cha Mudimu cha rubing ra Mwinkind 18.
1. Mutapu ik watwishay Enok kwend nend Nzamb ap anch washakama mu chirung chivundangena? (Heb. 11:1, 5, 6; Jud 14, 15; “Endany Nend Nzamb mu Chirung Chivundangena”)
2. Chijidik chidia ku Luka 16:10 chikutwish kwikal cha ukwash mu mikadil ik ya mwom? (“Ov ‘Ushinshamen mu Tuyom Tukemp-tukemp’?”)
3. (a) Jimbul malejan manying ma ukwash madia mu Ozey mwimbu 6 djat ku 9 makutwisha kutukwash kwend nend Nzamb. (Oze. 6:6, 7; 7:14; 8:7) (b) Manans ik makwau madiokila ku Ozey mwimbu 10 djat ku 14 matukwashina kwend nend Nzamb? (“Uprofet wa Ozey Utukwashin Kwend Nend Nzamb—Diskur dia yikunku yisatu”)
4. Yom ik ya usey yikutwishau kusal angatan ni angachik in Kristu mulong wa kudandamen kukasikesh uruw wau? (Jinsw. 12:4; Ef. 5:29; “Pikil Kwauril ‘Chabombakeshay Kal Nzamb’ ”)
5. Mutapu ik tumekeshina kalimish mulong wa yikumangan yetu yitumbila? (Mul. 5:1; Is. 66:23; “Tulimishany Yikumangan Yetu Yitumbila”)
6. (a) Milad ik yisatu ya usey ya mudimu wetu wa kulejan tufanyidina kushinshikin chakwel kwijik anch tuusadil nich rutong? (Is. 52:7; Zak. 8:23; Mar. 6:34) (b) Ov yom ik wamena ya ukwash wa pakampwil mu broshir Rusangu Ruwamp Kud Antu a Michid Yawonsu? (“Rusangu Ruwamp Kud Antu a Michid Yawonsu”; “Tuyikwashany Antu Akata Kulond Rudim Rikwau”)
7. Mutapu ik tukutwisha kuyikwash antu asu kwikal nich kashinsh mu kulejan Uruu wa Want? (Ank. 7:17; “Tuyikwashany Tunan ni Tunan twa Antu Kubombakan Netu mu Mudimu wa Kulejan”)
8. Mutapu ik tumekeshina kashinsh ketu anch ‘dichuku dijim dia Yehova didi piswimp?’ (Zak. 1:14; “Tukat Kwendil ku Ritiy, Kitukat Kumanip ni Mes”)
9. (a) Mutapu ik udia kupwakeshan mulong ujim nakash? (Mar. 9:42-48) (b) Mutapu ik tukutwisha kwipuk kwipwakal? (Kus. 119:165) (c) Mutapu ik tukutwisha kwipuk kuyipwakesh akwetu? (1 Kor. 10:24; “Ipuk ‘Kumupwakesh Muntu’ ”)
10. Mutapu ik tukutwisha kulam kwisikan kwetu pitukimbina mbay a uruw, pitulondwila ukash wa mujimbu, ni pitushinshikidina milong ya kwisak? (Kus. 26:4; Mat. 6:25; 1 Tim. 6:9; “Ijikany Chiudiany En Ayinen”)
11. (a) Yom ik yimekena ya usey piur pa yisu yasangeray Yesu kumwak kud antu akwau? (Lu. 10:42; 24:32) (b) Mutapu ik tukutwisha kusangarish maswir ma kwipuwangesh mu mutapu wa kwikasikesh ni kuyikasikesh akwetu? (1 Kor. 10:31-33; “Mijikit Yiwamp Yikata Kuswedish”
12. Kukwatijan nich Kuseng 23, yiyukish ik tutambwila chitudia amikoku a Yehova, ni yisend yetu yidi yisu? (1 Kor. 10:21; “Yehova Udi Kafung Wetu”)
13. Mutapu ik usadidinau in Kristu chiyul chipepidilau nich spiritu cha ‘kulam chisu cha muten’? (Ef. 5:16; “Lamany Chisu cha Muten”)
14. (a) ‘Muten wa dirumburish’ ujimbwilau mu Kujingunik 14:7 urumburikin ik? (b) Mutapu ik tumekeshina anch twiyauril kamu chakin ku Babilon Mujim? (“ ‘Chishany ku Mes’—Muten wa Dirumburish Washej Kal Piswimp”) (c) Manans ik mu broshir Chishany ku Mes! makusangareshina?
15. Jimbul mikadil yisatu yiswiridikina chakwel kutulam ku ‘kulik njil yitentamina.’ (2 Pi. 2:15; “Ilama ku ‘Kulik Njil Yitentamina’ ”)
16. Mutapu ik ukutwishau ansand kwiyep “mwinjil ya antu ayimp”? (Jinsw. 4::14; “Ansand—Endilany Mwi Njil Yitentamina”)
17. (a) Paul wikala chilikej chiwamp nakash cha kujijaman mu mikadil ik? (Mid. 14:19, 20; 16:25-33) (b) Mulong wak tufanyidinap kuyov in kupompat difukwil diakin wom? (Dram ni diskur “Tupanany Uman Muchifanyidina Nlel Kwikalap Nchik Rupompat”)
18. Yiyukish ik yitambwilau antu endina nend Nzamb? (“Kwend Nend Nzamb Kuletin Yiyukish Nlel ni Chikupu”)
El tukwatany mupak wa kutesh ‘dizu [. . . ] kwinyim kwetu’ chakwel kwend chikupu nend Tatukwetu wa mwiur.—Is. 30:21; Yoh. 3:36.