Chirung cha Chivurikish—Chisu cha Kwipan Nakash mu Mudimu
1. “Misambu ya yirung” yadinga ni usu ik padiau in Isarel in kumwakam Nzamb?
1 Pa yisu yifanyidina yatondau mu muvu, in Isarel a pasak asalanga “Misambu ya yirung ya Yehova.” (Lev. 23:2, NW) Mu kwitekin chisu cha kutongin pa uwamp wa Nzamb wau kwadinga ni kuyiletin musangar ujim ni kuyikasikesh kwikal in mushiku mulong wa difukwil dishitwila.—2 Jins. 30:21–31:2.
2, 3. Mulong wak chifanyidin anch tuwejaku mujikit wetu wa muspiritu mu chirung cha Chivurikish, ni chisu ik tukusala Chivurikish?
2 Nlel unou, mujikit wetu wa uteokras wa musangar ukat kwiwejinaku muvu ni muvu mu chirung cha Chivurikish. Chidi chisu tukata kutongijokin nakash pa chipan chipandikena usey chapanay Yehova mulong wetwetu—mwanend kapwokal. (Yohan 3:16; 1 Pi. 1:18, 19) Chisu tutongijokidina pa rukat ramekeshay Nzamb ni Mwanend, yikat kutubachik kumushiman Yehova ni kwikasikesh kusal rusot ra Yehova.—2 Kor. 5:14, 15.
3 Muvu unou Yakudia ya Urel ya Mwant yikusadik Diakanying, Rish 24, kupwa kwa muten kwandam. Ov mu chilik ik tukutwisha kuwejinaku kwipan kwetu mu mudimu mu angond a Rish, Ndol, ni Ndol-Mem?
4, 5. (a) Yom ik yayikwashina amwing kuyilej antu avud rusangu ruwamp? (b) Yom ik wamena kwikal ya ukwash mu teritwar wen?
4 Yileja Antu Avud: Kimb mitapu ya kupan uman kud antu avud mud chitwishikina chisu wipanina mu mudimu wa chingand. Ov ukutwish kwitenchik chakwel kwipan mu mudimu wa chis-ku-chis chisu chidiau antu avud ku yikumbu, mud kupwa kwa midi ap urel? Anch amwing mu chirund chey cha dilejan dia buku asotil kwipan mu mudimu kurutu kwa dilejan, kalam wa dilejan dia buku ukutwish kwitenchik kusal chikumangan cha mudimu chiswimp chakwel kulejan mu teritwar wa piswimp.
5 Mutapu ukwau wa kuyilej antu avud udi kupan uman mu jindond ja antu awonsu. Nambaz umwing mu Japon wasota kusal uchibol nkwash ap anch ndiy wadinga nich mudimu wa ku mujimbu wa chisu chawonsu. Mukurump umwing wamuyula anch dichuku ni dichuku kurutu kwa kuya ku mudimu wend wa ku mujimbu, ukutwish kupan uman wa mu mukombil piswimp ni gar. Kupwa kwa kupandikan kudut kwend ni kudiburil kwa ambay a weny amwing, wakudisha njil ya magazet ya antu piswimp 40, pamwing nau ambay a weny, in kusal mudimu mu gar, ni in kulandish adia piswimp. Wapana piswimp magazet 235 pa ngond. Chadingay ni kwisambin manans ma Mifund nau antu mu yisu yikemp kusu dichuku ni dichuku, ndiy wasambisha malejan ma Bibil musamban.
6. Mutapu ik ukutwishau ansand kuwejin mujikit wau wa muspiritu?
6 Yisu ya Kupan Uman: In kulejan avud a rad ra shikol akweting yirung ya konje mu muvu. Yiney yikutwish kwikal yisu ya kusal uchibol nkwash. Chikwau kand, in Kristu ansand akutwish kuwejin mujikit wau nich kupan uman ku shikol. Ukutwish kushimok mutapu ukutwishau ambay a shikol kusot kwijik yitiyij yey. Ov ukutwishap kusadil minsamb ya mu shikol ap jinsangu ja kufund ja shikol mulong wa kupan uman? Akwau atwishin kupan uman mu kusadil mavideo metu. Amwing asambishin malejan ma Bibil nau ambay a shikol ni kuyikwash kuya kurutu djat ku kwipan ni dibabatish. Yiney yidi mitapu yiwamp nakash ya ‘kushiman dijin dia Yehova.’—Kus. 148:12, 13.
7. (a) Ov mutapu ik wamanay mukadivar yisu ya kupan uman kud antu akwau? (b) Ov niyey wamenap kal yom ya mutapu winou?
7 Mu chaku chey cha pichuku-pichuku, kimb mitapu ya kwisambin nau antu piur pa Nzamb wetu upandikena kuwap ni kushilamu kwend kusangarishina. Mukadivar umwing wasalang weny mu mashuw mawiy mamwing dichuku ni dichuku wapana uman kud ambay a weny chisu chifanyidina. Chilikej, chisu chadingay ni kuchingel mashuw makwau mu gar, ndiy wapanang uman kud nsand umwing dichuku ni dichuku mu aminit atan. Mud chibudikin, nsand winou ni mbay nend ikundj itiyija dilejan dia Bibil. Dilejan dia Bibil adinga ni kuditakel mu mashuw oku akat kuya mu weny. Kupwa kwa chisu kanang, mband umwing ipal wadinga ni kutesh mambamb mau washejina kudiay mukadivar ni kumwit dilejan dia Bibil. Niyend kand wasangera dilejan diend mu machuku madingay ni kuya ni mashuw. Mu mutapu winou, mukadivar wileja nau antu dikum mu mashuw.
8. Mulad ik wa mudimu ukutwisha kuyikwash antu amena anch chiyikasikedin mulong wa upal ap milong ya ukash wa mujimbu kuwejinaku kwipan kwau mu mudimu?
8 Ov yidi nchik anch yikukasikedin mu yom ukutwisha kusal mulong wa upal ap milong ya ukash wa mujimbu? Kukutwish kwikal mitapu yikwau ukutwisha kuwejin kushiman kwey kud Yehova. Ov wapakishin kal kupan uman ku telefon? Anch wijap mutapu wa kupan uman ku telefon, isamba ni kalam wa dilejan dia buku diey. Ndiy ukutwish kurijek chakwel in kulejan akata kusadil mulad winou asala ney pamwing. Mu kusadil pamwing mud arund, ukutwish kwilejin kud umwing ni mukwau ni kukwashijan umwing ni mukwau kupan uman usongina mabuj. Ukutwish kutan yiyul yiwamp piur pa kupan uman wa ku telefon mu Mudimu Wetu wa Want wa Kasan 2001, paj wa 5-6.
9. Mutapu ik tukutwisha kuyikwash in kwilej Bibil kuwanyish yitinau chakwel kulejan pamwing ni chikumangen mu mudimu wa patok?
9 Kukumangan ku Chivurikish kukutwish kuyikasikesh antu asu kusot kuwejinaku kushiman kwau kud Yehova. Ukutwish kuyikwash kupandikan wom ukutwishau kwikal nich piur pa kwipan mu mudimu wa kulejan kwa kukashimun nich kushimunin jinsangu jikasikeshina jiwatana mu mudimu wa chingand ni kuyifumb pakemp-pakemp kurumburil mafundish ma Bibil ni kurumburil ritiy rau. (1 Pi. 3:15) Anch mwin kwilej Bibil wamekesh rusot ra kusambish kulejan rusangu ruwamp, isamba nend kalam-ntakel. Ndiy ukurijek mulong wa kumanijan nend mwin kwilej chakwel kwijik anch uwanyishin yitinau chakwel kulejan pamwing ni chikumangen mu mudimu wa patok. Chifanyidin kusangarish muchim wa Yehova mud ik pa kuman antu asu akat kusut ku mutambu wa win-mangand wend!—Jinsw. 27:11.
10. (a) Mutapu ik ukutwisha kutukwash program muwamp kwikal chibol nkwash? (b) Ov watwishin kwirijek mulong wa kwikal chibol nkwash mu chirung cha Chivurikish muvu wadiap ou? Mutapu ik?
10 Ov Ukutwish Kwikal Chibol Nkwash? Asaa 50 amwitinau chibol nkwash akutwish kumekan mud apandiken kuvul. (Mat. 5:37) Chinech chirumburikin anch uswiridin kurijek chakwel kusal mwayen wa asaa 12 mu mudimu wa chingand rubing ni rubing. Ov umwing wa chilikej cha program wa chibol nkwash udia pa paj wa 5 ukwatijadin nich mikadil yey? Anch bwat, ov ukutwish kurijek program ukukukwasha kwikal chibol nkwash mu Rish, Ndol, ap Ndol-Mem? Mwita Yehova ayukish usu wey chakwel kuwejinaku mujikit wa mudimu wey.—Jinsw. 16:3.
11. Mutapu ik ukutwishau amakurump ni ankwash a mudimu kuyikwash antu akwikala ayibol ankwash?
11 Amakurump ni ankwash a mudimu akukukwash nakash kusal usu chakwel kusal chirung cha Chivurikish chikal cha kumushiman pakampwil Yehova. Anch chitwishikin, avud pakach pau akwikal ayibol ankwash. Amakurump akwirijek chakwel kwikala yikumangan yikwau ya mudimu, mud kupwa kwa midi, machuku ma rubing urel, ni kupwa kwa mbing, mud chiswiridikina. Chakwel kwijik ndond ni chisu ik chikusadika yikumangan mud yiney ni nany ukwikalaku mulong wa kutakel, amakurump akutwish kwisamb nau antu irijekina mulong wa kusal uchibol ap atongina kusal mwamu. Amakurump akwikasikesh kutakel yitenchik chakwel kwikala in kulejan akwau ukusala nau mu machuku ni yisu yatekinau mulong wa mudimu. Mu mutapu winou, yitongijok yikutwish kwiman dang ni yom yiwamp yivud yikutwish kusadik.—Jinsw. 20:18.
12 Sal Usu Wey Wawonsu: Anch mikadil yey yikukangeshin kwikal chibol nkwash, vurik anch Yehova ukat kwitiy usu wetu ni yakupesh ‘kukwatijan nich yitukweta, chidiap kukwatijan ni yitwakad kwikal nich.’ (2 Kor. 8:12) Tukwet yivud nakash ya kumujikitishin Yehova. David wafunda nich diyingishin diwamp anch: “Am nikez kumuyukish [Yehova, NW] ku miten yawonsu, kushiman kwend kukez kudandaken mu kan mwam.” (Kus. 34:1) Winou amboku wikala mupak wetu mu chirung chinech cha Chivurikish.
12. Yom ik yikutubachika kumushiman Yehova ku miten yawonsu?
[Caption on page 1]
[Study Questions]
[Caption on page 3]
[Picture on page 3]
Mutapu ik Ukuwejinaku Mujikit Wey?
◼ Lejan chisu chidiau antu ku chikumbu
◼ Pan uman mu jindond ja antu awonsu
◼ Pan uman ku mudimu ap ku shikol
◼ Pan uman ku telefon
◼ Sal mud chibol nkwash
[Caption on page 5]
[Box on page 5]
[Caption on page 5]
Chilikej cha Maprogram ma Chibol Nkwash
Mitapu ya Kuwanyish Asaa 12
a Mudimu wa Chingand Rubing ni Rubing
[Caption on page 1]
Pamanch—Diamond Kushik Diampos
Diarubing dikutwish kuswinkan dichuku din diawonsu.
[Caption on page 1]
Dichuku Chisu Asaa
Diamond Pamanch 2
Diakaad Pamanch 2
Diakasatu Pamanch 2
Diakanying Pamanch 2
Diakatan Pamanch 2
Diampos Pamanch 2
Uvud Asaa: 12
[Caption on page 1]
Machuku Maad Makabuj
Ukutwish kutond machuku maad pa rubing.
(Kulondulijan nich machuku ukutonda, program winou ukutwish kuwanyish kusu asaa 48 kwi ngond.)
[Caption on page 1]
Dichuku Chisu Asaa
Diakasatu Dichuku Diakabuj 6
Diampos Dichuku Diakabuj 6
Uvud Asaa: 12
[Caption on page 1]
Urel Waad ni Nsudiel ya Rubing
Ukutwish kutond machuku ma rubing maad urel.
[Caption on page 1]
Dichuku Chisu Asaa
Diamond Urel 11⁄2
Diakasatu Urel 11⁄2
Diampos Dichuku Diakabuj 6
Diarubing Chikunku cha Dichuku 3
Uvud Asaa: 12
[Caption on page 1]
Machuku Masatu Kupwa kwa Midi ni Diampos
Diarubing dikutwish kuswinkan dichuku din diawonsu.
[Caption on page 1]
Dichuku Chisu Asaa
Diamond Kupwa kwa Midi 2
Diakasatu Kupwa kwa Midi 2
Diakatan Kupwa kwa Midi 2
Diampos Dichuku Diakabuj 6
Uvud Asaa: 12
[Caption on page 1]
Program Wam wa Mudimu
Tond uvud wa asaa a chisu ni chisu.
[Caption on page 1]
Dichuku Chisu Asaa
Diamond
Diakaad
Diakasatu
Diakanying
Diakatan
Diampos
Diarubing
Uvud Asaa: 12