Atutwambil a Want Akatish

Tusanger pakuman mutapu mudimu uyila kurutu mu teritwar wa mutiy wetu mu muvu wa mudimu wa 2007! Twashikedin uvud wa in kulejan 138 273 ni wa ayibol a rawonsu 10765 mu Chiwong wasutina mu Congo-Kinshasa. Mu Congo-Brazzaville twashikedin uvud wa in kulejan 5406 mwi Ndol 2007. Mu angond chinan a kusambish a muvu wa mudimu wa 2007, ayitazukin yid yisu 33 ya Bethel chakwel yitukwasha ku Mutiy. Tuswiridin in kwipan avud awanyishina yitinau mulong wa kusal mu madepartema mavud, pakampwil mulong wa kukarumun.

Apalangeshin mu teritwar wa mutiy wetu piswimp makopi mamiliyon 8 ma Rusangu ra Want No. 37, “Kusheshik Kwa Relijon wa Makasu Kudi Piswimp!” Marapor mavud malejen anch, kupwa kwa kutambul ni kutang kopi umwing, antu ayijikitishin Atuman a Yehova mulong wa uruu winou wayiburila mes. Katat amen usey wa kujingunin relijon wakin. Antu avud akumangana ku yikumangan ni itiyija kwilej Bibil.

Rutong ra kampany winou ridi ra kuyikwash antu akin ileja chifundishinay chakin kamu Bibil. (Mat. 28:19, 20) Piulejenany, ufanyidinany kufund majin ma antu asangeridina, ni yichirikinany nich rutong ra kusambish dilejan dia Bibil ni kudandamen ni antu “adinga mu mwikadil ufanyidina kutambul mwom wa chikupu.” (Midimu 13:48, Les Saintes Écritures traduction du monde nouveau) Tukwet musangar wa kusal mu uumwing nen mu mujikit winou ujim, ni tukulangwishinany nich rukat retu ra chirungul ra Ukristu.

Akadivar Nen,

Bethel wa Congo Kinshasa.