Program Musu wa Chitentam cha Pakampwil cha Dichuku Dimwing
Mutu wa mulong wa program musu wa chitentam cha pakampwil cha dichuku dimwing cha muvu wa mudimu wa 2009 ulondin anch: “Babal ku Kusal Mudimu . . . , Chakwel Uuwanyish,” wimedin pa Kolosay 4:17. Chitudia in Kristu, tukwatining nich usey nakash chiyul chinech. Rutong retu ridi ra kuuwanyish mudimu wetu nich kushinshaman mudi mwasalay Yesu. (Yoh. 17:14) Kambuy Paul niyend watushila chilakej chimwing chiwamp pa mulong winou. Ndiy wakwata mupak wa kuuwanyish mudimu wend.—Mid. 20:24.
Chikunku cha kalam wa munyingumuku chikez kutulej mutapu usadilingau in kulejan kushalijan mulong wa kupandakan yikangesh mu mudimu wau. Chawiy lel diskur “Kudishany Yiwakunanya” dikez kukasikeshin mutapu tukutwisha chakin kamu kuyikwash antu adia mu “mwikadil ufanyidina kutambul mwom wa chikupu.” (Midimu 13:48, Les Saintes Écritures — Traduction du monde nouveau) Kalam ngendj ukez bil kwisambin 2 Korint 6:1-10, verse umwing ni umwing, mu diskur “Mutapu Tukata Kwimekesh Mudi in Mudimu.” Urel, ukez kuyisadil in kukumangan diskur dikweta mutu wa mulong ulondila anch: “Ukwata Mujikit Wey Nich Usey.” Chakin kamu akez kukukasikesh kusutil ku yikunku yilondila anch, “Ansand ni Amapal Asangaredina Mudimu” ni “Ansand Awanyishina Mudimu.” Antu asotila kumekesh kwipan kwau kusutil ku kubabatishiu ku chimwing cha yinship yezinaku ya munyingumuku afanyidin kumwijikish kalam ntakel kurutu kwa chisu mudi muchitwishikina. Chikunku chimwing cha usey ku yitentam yetu yawonsu ya pakampwil ya dichuku dimwing, ya munyingumuku ni ya distrik chiding kwilej Chinong cha Kalam. Send kopi wey wa kwilej pa rubing ra chitentam cha pakampwil cha dichuku dimwing.
Pitushinshikidina yituwanyishina mu mudimu wetu, tusadiling usu wa kwikal nich kashinsh anch yisakin ni mijikit yikwau kangal yiyipandakanamu nakash mudimu watwinkishau kudi Yehova. Dikasikesh dia Mifund dikutwinkishau kusutil ku program wa chitentam chinech cha pakampwil cha dichuku dimwing dikutwish diatukasikesh etu awonsu tujingunina yituswiridina kusal twikala nich kuman kuwamp ni tuukwata nich usey mudimu wetu nich rutong ra kuuwanyish muchifanyidina.