Branch Letter

In Kulejan Akatish:

Tukwet musangar ujim wa kukwijikishany rapor wa mudimu wa chingand wa Rish 2008. Mu Congo-Kinshasa, twashikedin uvud usu wa in kulejan 150309. Kinak kadi kapamp ka kusambish mwi ngand yiney kuyiman in kulejan 150000 ni kusut alet rapor wau wa mudimu wa ngond. Kwadi kand uvud ukwau usu wa asaa, wa malejan ma Bibil ni mu yom yikwau ya mudimu wa chingand. Chikwau kand, chaletin musangar pa kuman anch in kulejan akweta mushiku 5174 a mu Congo-Brazzaville ashikedin niyawiy uvud usu wa asaa 122365. Tusotil tukujikitishany mulong wa mudimu wen ukash wa kulejan rusangu ruwamp.—1 Kor. 15:58.

Kutung kutunginau ku biro wa Mutiy kuyil nawamp kurutu. Pa Ndol 28, 2008, dijuku dia Bethel diasanger kusambish kusadil chikumbu chisu chiwamp cha kudil ni cha mpish. Chikumbu chisu cha kudil chidi chijim tupamp twaad kuchipandakanamu cha kusambish, ni mukutwish kwandam antu 600.

Diampos, Kasan 23, 2008, diawiy dichuku diasalau program wa kushikij Chot cha Yitentam chidia mu Limete, Kinshasa. Antu awonsu akumanganaku itiyija nich musangar kuchisadil mulong wa kumushiman Yehova ni kupan mulambu mulong wa kuchilam nawamp. Mwi ngond wa Kafunfut, apwishin kutung Chot cha Yitentam chikwau ku Kisangani ni asadil yitenchik yikwau chakwel mu machuku madia kurutu oku akez kutung ku Lubumbashi ni kwi Mbuji-Mayi. Chikwau, ashikijin Yot ya Yitentam ya Kumakunku ku Beni mwi ngond wa Kasan 2008 ni ku Butembo mwi ngond wa Ndol 2007. Tusanger pa kuman mutapu uyisadidinau yikumbu yiney mulong wa kumushiman Yehova.

Tudandamenany kujijaman pituchingedina dipandish dia Yehova diezina swa-swa.

Akadivar nen,

Biro wa Mutiy wa mu Congo-Kinshasa