Yipul Ya In Kutang

◼ Ov, anvaj awonsu aad afanyidin kupan rapor wa dilejan dia dijuku disadilingau?

Ap anch atatuku awiy akweta chisend cha kuyilil anau kukwatijan nich “kuyikand ni malejan ma Mwant,” anvaj awonsu aad akwet chisend cha kuyifumb anau. (Efes 6:4) Bibil uyikasikeshin an anch: “Mwanam ikundj, tesh ku malejan ma tatukwey, kangal walik malejan ma makwey.” (Jinsw. 1:8) Chom chimwing chijim cha kufumb kwa anvaj mu dijuku chidi dilejan dia Bibil dia mu dijuku.

Pa yisu ya pakur, ching kusu anvaj akutakela dilejan dia dijuku ni anau akad kubabatish chawiy lel chikupanau rapor wa chisu chisutishinau, ap anch anvaj awonsu adi mu mambamb. Pakwez, chifanyidin kuutenchik mulong winou. Anch pa chisu cha dilejan dia dijuku anvaj awonsu aad akwashijan mu kuyilej anau, awonsu aad akuchind uvud wa asaa mudi mudimu wa chingand. Chakin kamu, anvaj avud asutishining chisu chivud kupandakan saa umwing mu kuyilej anau. Kuyifumb an kwitining usu uvud kudi anvaj awonsu aad. (Kuv. 6:6-9) Pa chinech, rapor wa mudimu wa pa ngond ufanyidin bil kwikal wa yitwasadila mu chingand. Chawiy lel, chifanyidinap kupan ching saa umwing kusu pa rubing, ap anch kwilej kwasadil asaa avud, ap anch ukat kwilejany tupamp tuvud pa rubing, ap anch kand mwan ni mwan ukat kwilej panrend. Ching kusu nvaj umwing ndiy ukupana rapor wa dilejan dia Bibil dia mu dijuku ni kuchirikinamu umwing pa rubing ni rubing rilejau.