Sanger Chisend Chey cha Mudimu
1. Ov, mutapu ik umeninga antu avud a mu mangand mudimu wetu wa kulejan?
1 Antu avud mu mangand ma Satan amening mudimu wetu wa kulejan mudi “chom chamwamu.” (1 Kor. 1:18-21, TMK) Anch tudimukinap, mutapu winou wa kuman mudimu wetu ukutwish kutuziyish ni kukepish mushiku wetu. (Jinsw. 24:10; Isay 5:20) Ov, yiyingish ik yidiaku chakwel tusanger chisend chetu cha kwikal Atuman a Yehova?—Isay 43:10.
2. Ov, mulong wak tukutwisha kutazuk mudimu wa kulejan anch “mudimu utumbila”?
2 “Mudimu Utumbila”: Kambuy Paul wisambina mudimu wa kulejan mudi “mudimu utumbila.” (Rom 15:15, 16, NW) Ov, mutapu ik udia mudimu wa kulejan “mudimu utumbila”? Kwiyandjik mu mudimu winou kutwikadishining “in mudimu” nend “wakutazukanya utumbil,” Yehova, ni kusadining chakwel tutumbisha dijin diend. (1 Kor. 3:9, TMK; 1 Pita 1:15) Yehova umening mudimu wetu wa kulejan mudi “yakupesh ya kushiman,” chawiy, mudimu wa kulejan udi mudimu umwing wa usey mu difukwil dietu.—Heb. 13:15.
3. Ov, chom ik chikusala anch mudimu wa kulejan rusangu ruwamp wikal wa katumb kajim?
3 Kulejan rusangu ruwamp kuding ntumb yijim kudi antu akemp. Angel afanyidin kusanger kubangin chisend mudi chinech ni kidjidjekiningap kuchiwanyish nawamp. (1 Pita 1:12) Pakwez, Yehova watutonda etu antu akad kuwanyin, mudi “manung ma kam,” mulong wa chisend chinech chamushena!—2 Kor. 4:7.
4. Ov, mutapu ik tukutwisha kumekesh anch tusangaredin mudimu wa kulejan?
4 Pa Ndond ya Kusambish: Mulong tusangaredining chakin kamu chisend chetu, tumening mudimu wa kulejan mudi mudimu umwing wa ‘upandakena kuwap’ mu mwom wetu. (Fil. 1:10) Chawiy, tufanyidin kutenchik chisu rubing ni rubing chakwel twipana mu mudimu winou. Mwin kuwang usangaredininga chisend chend cha kuwang mu mangand mudia yisak ya in kuwang ufanyidin kurijek chikunku ni chikunku nawamp ni kusal chakwel akudish ukaliweny wend. Chilik chimwing kand, tukez kwirijek kurutu kwa kuya mu mudimu wa kulejan chakwel tutwisha kulejan “dizu dia uyakin nich kutentam,” ni tukez kusal mwamu mulong wa kurijek mutapu wa “kulejan dizu dia uyakin nich kutentam.”—2 Tim. 2:15; 4:2.
5. Ov, annany asangaredininga mudimu wetu wa kulejan?
5 Yakul yiyimp ya antu avud yikutwish kukuziyish. Vurik anch kudi materitwar mavud masangaredininga nich kuyendil kwetu. Pakwez, kwikil antu akin akutwisha kuyikimb. Chidia cha usey chidi mutapu wovilay Yehova, ni usangaredining mausu metu tusadininga.—Isay 52:7.