Mayingish Makum ni Maad Piur pa Kulejan

Ov, mulong wak tufundishininga ni kulejan rusangu ruwamp? Ov, chiding pakampwil mulong wa kuyikwash antu akweta michim yiwamp ashika mwinjil ya mwom? (Mat. 7:14) Riner ridi rutong retu ra kusambish rijimbwilau kwishin oku, pakwez kiridiap kusu rutong retu rimwing. Ov, misu mayingish 12 malondwilaku am piur pa kwipan mu mudimu wa kulejan utongina anch madi ma usey nakash?

1. Kupan ukwash wa kupandish mwom.—Yohan 17:3.

2. Kuyibabesh antu ayimp.—Ezek. 3:18, 19.

3. Kuwanyish pa kuwanyin kwa uprofet wa Bibil.—Mat. 24:14.

4. Kumekesh chisal chimwing cha kutentam kwa Nzamb. Kwikil muntu ap umwing ukutwisha kulond anch Yehova kayinkishinap antu ayimp chisu cha kukarumuk kurutu ayishesha.—Mid. 17:30, 31; 1 Tim. 2:3, 4.

5. Chitukwashining kufut mabaz metu chakwel tupana ukwash wa muspiritu kudi antu alandau nich mash ma Yesu.—Rom 1:14, 15.

6. Ukwashining twiyepa chikal cha mash.—Mid. 20:26, 27.

7. Dipandish dietu ayinetu dimedin pa mudimu winou.—Ezek. 3:19; Rom 10:9, 10.

8. Kumekesh rukat piur pa amutej.—Mat. 22:39.

9. Kumekeshin chisal cha kumuziyil Yehova ni Mwanend.—Mat. 28:19, 20.

10. Udi chikunku cha difukwil dietu.—Heb. 13:15.

11. Umekeshining anch tumukatining Nzamb.—1 Yoh. 5:3.

12. Ukwashining mu kutumbish dijin dia Yehova.—Isay 43:10-12; Mat. 6:9.

Chakin kamu, mayingish minam kimawiyap ching kusu matubachikininga twipana mu mudimu wa kulejan. Chilakej, mudimu wa kulejan ukasikeshining ritiy retu ni utwinkishining chisend cha pakampwil chakwikal in mudimu nend Nzamb. (1 Kor. 3:9) Pakwez, diyingish dia usey nakash dia kwipan mu mudimu wa kulejan didi uvud ujimbwilau wa 12. Kwikil mulong ap anch antu itiy ap alik, pakwez mudimu wa kulejan ukwashining mu kutumbish dijin dia Yehova ni umwinkishining Yehova chisu cha kumwakul muntu ukata kumusaal. (Jinsw. 27:11) Chakin, tukweta mayingish mawamp kamu ma ‘kudandamen kulejan ni kurumburil rusangu ruwamp.’—Mid. 5:42.