Ov, Ukutwishany Kuyitazuk?

Mu yikumangen yivud mudi in kulejan ipanininga pakemp mu mudimu wa kulejan mulong wa mayej makad kupwang ap mulong wa mivu ya chivadik yiyila ni kuvul. (2 Kor. 4:16) Ov, ukutwishap kumutazuk umwing wa pakach pau udia mu mikadil mudi yiney chakwel uya nend ku dilejan diey dia Bibil? Anch mwin kulejan katwishiningap kand kubudik mu chikumbu chend, pamwing ap ukutwish kutakel dilejan diey ku chikumbu chend. Ov, yisu yimwing ukutwishap kukwat mupak wa kutenchik chakwel uya ni mwin kulejan chibid ku yis yikemp mu mudimu wa kulejan wa ku chikumbu ni chikumbu ap wa kumuchirikin muntu kanang ap kuya nend mu mitapu yiney yaad? In kulejan avud adia amapal akwet uman uvud mu mudimu wa kulejan. Chawiy lel, usu wen ukezap kuyikasikesh ching kusu awiy. Pakwez niyen ukez kutaninanyamu. (Rom 1:12) Chikwau kand, usu wen wa kumekesh rukat mu mutapu winou akez kauyukish kudi Yehova.​—Jinsw. 19:17; 1 Yoh. 3:17, 18.