Akez Kupan Rusangu ra Want No. 38 pa Kalang!

1. Ov, yipul ik yiyipwilingau antu piur pa afu, ni mutapu ik ukezau kwakul ku yipul yiney pa Kalang?

¹ Rufu ridi mukankuny wa antu awonsu, chikalap nchik yitiyij yau. (1 Kor. 15:26) Antu avud iyipwiling kwisu kudinga afu ni anch akez kuyiman kand. Chawiy lel, yikumangen ya mu mangand mawonsu yikez kwipan pa ngond mu mudimu wa kapan Rusangu ra Want No. 38 rikweta mutu wa mulong ulondina anch “Ov, chakin kamu afu akutwish kwikal kand ni mwom?” Kampany winou wa pakampwil ukez kusambish pa Kalang 1. Kupwa kwa kwangan kwinoku kwa pakampwil, akez kusadil Rusangu ra Want No. 38 mudi Trakt mu mudimu wa kulejan.

2. Ov, mutapu ik ufundinau Rusangu ra Want No. 38?

² Mutapu Urufundinau: Afundina Rusangu ra Want No. 38 mulong wa kukundj mu ulemp chakwel chibur cha nsambishil chimekesha mutu wa mulong usangareshina pamwing ni mazu malondina anch: “Ukutwish kwakul anch . . . mwaning? bwat? pamwing ap?” Chisu chikuburilay mwin kutang Rusangu ra Want, ukez kuman chom chilondinay Bibil mu chakul ku chipul chidia mutu wa mulong ni chirumburikina kushilamu kwa Bibil mulong wend. Ukez kand kwijik mulong wak ufanyidina kwitiyij Bibil. Chibur cha nsudiel cha Rusangu ra Want chilejen chipul chisangareshina chikumubachik mwin kutang chakwel atongijokina pa yom yidiamu ni ileja yom yivud.

3. Ov, mutapu ik ukezau kupan makopi ma Rusangu ra Want No. 38?

³ Mutapu Ukezau Kurupan: Kampany winou ukez kwikal mutapu umwing ni kampany wa kupan maladikij ma Chivurikish ni ma chitentam cha distrikt. Amakurump akez kupan umutakel uwanyidina piur pa mutapu ukezau kuwanyish teritwar wa pol pen, kwambatan nich mukand wa pa Ndol 1, 2013. Yikumangen yidia nich materitwar makemp yikutwisha kupan ukwash ku yikumangen ya piswimp yikweta materitwar majim. Piutambwila makopi mavud ma Rusangu ra Want No. 38, vurik chakwel utambula ching kusu uvud uwanyidina uswiridina mulong wa rubing rumwing. Pa chisu cha kampany, akutwish kupan makopi minam mu mudimu wa kulejan uman patok kupwa kwa kusal mudimu wa ku chikumbu ni chikumbu mu materitwar mawonsu. Anch apana makopi mawonsu kurutu kwa ngond kupwa, chifanyidin kupan mikand yikwau ya pa ngond. Diampos dia kusambish, tukez kushinshikin pa kwipan mu kampany wa pakampwil pa ndond pa kusambish malejan ma Bibil. Pa kupwa kwa rubing ni rubing, tufanyidina kand kupan magazet anch chitwishikin. Ov, watenchikinap kal chakwel wipana nakash mu kampany winou wa pakampwil?