Tukudishany Ukaliweny Wetu mu Mudimu wa Kulejan​—mu Kurijek Mazu Metu ma Kusambish Nich

Chidi cha Usey: Anch mazu metu ma kusambish nich minsamb madiap masangareshina, mwin chikumbu ukutwish kwipuk kwisamb kurutu tumuleja uman. Chawiy lel, in kulejan avud ashinshikidining pa mazu mau ma kusambish nich minsamb chakwel mikala chikunku cha usey upandakena mu mutapu wau wa kupan uman. Ap anch yakumenaku ya sampul ayilejening mu Mudimu Wetu wa Want ap mu buku Comment raisonner, kiyimekeshinap mazu mawonsu ma kusambish nich minsamb pakwe yikwashining kwabatesh nich ngikadil. Ap anch chakumenaku cha sampul chilejening yom yawonsu pakwez in kulejan akutwish kutond kukarumun mazu mau ma kusambish nich ap kurijek mazu mau ayinau. Chawiy, tukez kwikal ayifuvu anch twarijek nawamp kamu mazu metu ma kusambish nich minsamb pa ndond pa kulond yom yidiokila mu manangu metu chisu chikupaturilay mwin chikumbu chis.—Jinsw. 15:28.