Tukudishany Ukaliweny Wetu mu Mudimu wa Kulejan—Kusambish Dilejan dia Bibil ku Chis mu Kusadil Broshir Rusangu Ruwamp Ridiokila Kudi Nzamb!
Chidia Cha Usey: Chakwel twikadisha in kwilej, tufanyidin kwikal alej a Dizu dia Nzamb. (Mat. 28:19, 20) Muntu ni muntu pakach petu ukutwish kulejan nawamp uyakin mu kusadil yom ya mudimu yatwinkishau. Broshir Rusangu Ruwamp! amufunda pakampwil mulong wa kutukwasha chakwel tuyifundisha antu akwau uyakin. Chawiy lel, tukutwish kumusadil mulong wa kusambish nich dilejan dia Bibil pamwing ni mwin chikumbu kapamp ka kusambish ka kumanijan nend kwol kwend.
Pakish Kusal Mwamu Ngond Winou:
Lembilany chakwel twikala ni rusot ra kutakel dilejan. Chikwau kand mwitany Yehova chakwel atukwasha kusambish dilejan dia Bibil ni twikala alej afundishina nawamp uyakin.—Fil. 2:13.
Pa chisu cha kwifukwil mu dijuku ap cha dilejan dia muntu panrend, itekina chisu cha kulam mazu minam mu muchim wey. Mwamu ukutwish kulond nich kashinsh ni kusambish dilejan dia Bibil ku chis piudia mu mudimu wa kulejan.