Itiy Ukwash wa Ambay Ney a Mudimu

Mulong wa kutukwash, Yehova utwinkishin ‘chisak chawonsu’ cha akadivar ni anambaz netu. (1Pi 5:9) Akutwish kutukwash kurish ni yikokujol tukata kusankan mu mudimu wa kulejan. Chilakej, kambuy Paul amukwasha kud Akila ni Prisil, Silas, Timote, ni antu akwau.​—Mid 18:1-5.

Mutapu ik ukutwishau ambay ney a mudimu kukukwash mu mudimu wa kulejan? Akutwish kukulej yom ukutwisha kusal mulong wa kupandikan yikangesh, kuyichirikin antu, ap mulong wa kutakel dilejan dia Bibil. Tongin piur pa muntu wa mu chikumangen chey ukutwisha kukukwash, ni kupwa mwita ukwash. Pakad kwidjidjek en awonsu ukutanyinanamu ni ukwikalany ni musangar.​—Fl 1:25.

TAL VIDEO IKAL NI MUSANGAR UDIOKILA KU KWIKADISH IN KWILEJ​—ITIY UKWASH WA YEHOVA—​AKADIVAR NAU ANAMBAZ NETU, NI KUPWA AKUL KU YIPUL YILONDWILAKU EY:

• Mutapu ik wasalangay Neeta usu wa kumukasikesh Jade kukumangan?

• Mulong wak tufanyidin kuyit in kulejan akwau kututwalaku ku dilejan dia Bibil?

• Yom ik yading yikatinau Jade ni Abigay?

• Yom ik yimwing piur pa mudimu wa kulejan yikutwishau kukufundish ambay ney?