Yom ya Kusal Chakwel Chikumangan cha Mudimu wa Kulejan Chikal cha Ukwash

Yikumangan ya mudimu wa kulejan yid mud mutapu uding yikumangan ya chikumangen, did ditenchik dia Yehova chakwel tukasikeshijan amwing ni akwau kumekesh rukat ni midimu yiwamp. (Heb 10:24, 25) Chifanyidin kwikal ni kulep kwa aminit atan ap sambwad, ni pa chisu chinech chitin kuyangan antu, kuyinkish teritwar ukulejanau, ni kulembil. (Anch chikumangan chinech chasadik kupwa kwa chikumangan chikwau, chifanyidin kuchisal mu aminit akemp nakash.) Ntakel ufanyidin kurijek chitongijok chikutwisha kuyikwash antu akulejana dichuku dinidia. Chilakej, Diampos, anch antu avud akumangena kalejenap rubing rasutina, chikwikal cha usey kwisambin kwau yom yifanyidina kulond anch amutan muntu. Yitongijok ik yikwau ya usey yifanyidina kwisambin?

• Yitongijok Mulong wa Mambamb yidia mu Mudimu ni Mashakamin ma In Kristu​—Mukand wa Chikumangan

• Mutapu wa kusadin rusang ra yom kanang yasadikang ap nsangu jisu jipalangena mulong wa kusambish nich mambamb

• Mutapu wa kupandikan chikangesh chijikena nakash

• Mutapu wa kwambamb ni muntu wakad kwitiyij anch Nzamb udiaku, muntu ulondina anch yom yiyezina kwau, muntu ulondina dizu dindj, ap muntu udia mu relijon wakad kwijikan nakash mu teritwar wey

• Mutapu wa kusadin nsangu jidia pa jw.org, mu application JW Library^®, ap mu Bibil

• Mutapu wa kusadin chom kanang chidia mu Mushet wa Yom ya Kufundish Nich

• Mutapu wa kwipan mu milad kanang ya pakampwil ya mudimu wa kulejan, mud kupan uman ku telefon, kufund mikand, kulejan pa ndond ya antu avud, kuyichirikin antu, ap kutakel malejan ma Bibil

• Kuyivurish in kulejan piur pa kwiking, kwikal mwin kuswimp kukwatijan ni yishiken, kuyilimish antu, kulik kuziy ap anch alik kututesh, ap yitongijok yikwau ya mutapu winou

• Dilejan ap Video wa broshir Ipana mu Kutang ni mu Kufundish

• Mutapu wa kumukasikesh ni kumukwash mbay ney wa mudimu wa kulejan

• Verse ukwatijadina ni mudimu wa kulejan ap chibudikin chiwamp cha mu mudimu wa kulejan