Yiyul piur pa Mutapu wa Kwilej

Mutapu wa Kujingunin Mapit ma mu Spiritu Piur pa Yehova

Chisu tutangina Bibil, tukutwish kusadin yom kushalijan ya kukimbijol nich mulong wa kutesh nawamp yom tutangina. Pakwez, tufanyidinap kwetu kukimbijol mulong kusu kwau wa kuwej ronganyin ra Bibil. Tukimbin kujingunin mapit ma mu spiritu piur pa mikadil yend makutwisha kutukwash kumukat chipandakena. Mulong wa kusal mwamu, tukutwish kwiyipul anch ‘mukand winou winfundishin ik piur pa Yehova?’

Chilakej, ukutwish kusal usu wa kukimb mutapu ukatay kumekesh Yehova rukat, manangu, kutentam, ni usu wend. Pakwez, yiney kiyawiyap mikadil yawonsu ya Yehova. Ukwet kand mikadil yikwau yisangareshina. Kwisu ukutwisha kutan jinsangu jivud piur pa mikadil yiney?

Tal list wa mikadil 50 ni kusut udia mu Index mwinshin mwa mutu wa mulong “ Jéhovah “ kupwa pa ka mutu “ Qualités par nom.” Kimb mikadil yikwatijadina ni rusangu ra Bibil utangina. (Anch ukwet kusu Ukwash wa Kukimbijol Nich wa Atuman a Yehova, pa mutu wa mulong “Yehova Nzamb” kupwa pa ka mutu “Mikadil ya Yehova.”)