Tan Mapit ma mu Spiritu Ukutwisha Kusadin

Chisu tutangina Bibil, tukutwish kutan mapit ma mu spiritu anch twakimbijol piur pa uman ulejenau. Pakwez, mutapu ik tukutwisha kutaninamu nakash?

Kimbijol chikurikina piur pa nsangu ja Bibil. Chilakej, jingunin nany wafunda mukand, ni wayifundinau anany ni chisu ik. Yishiken yadingaku, yom yasadika kurutu ni kupwa kwa kufund?

Jingunin malejan kusutin kwiyipul anch: ‘Mutapu ik wading wiyovilau antu alejenau pinap? Mikadil ik yamekeshau? Mulong wak nifanyidin kwimburij mikadil yau ni kulik kukudish yikwau?’

Sadin malejan wilejina, pamwing ap mu mudimu wa kulejan ni mu mashakamin mey nau antu akwau. Anch wasal mwamu, ukumekesh manangu ma Nzamb, mud mulejenau mu Bibil anch: “Chifanyidin muntu mwawonsu ukweta manangu ababal ku yom yiney.”​—Ks. 107:43.

• Chiyul: Tal mutapu tukutwisha kusadin yom yida mu chikunku cha yikumangan ya mukach mwa rubing: Yom ya Usey Yida mu Dizu da Nzamb. Yisu yivud chikunku chinech chikweting yipul tukutwisha kwiyipul, manans tukutwisha kutongijokin ni yipich tukutwisha kushinshikin.