Ileja ni Chitongijok Cha Kuyilejamu Antu Akwau Yom Wilejina

Kwilej Bibil kukutwish kutukasikesh, pakwez kukutwish kand kutukasikesh nakash anch twayilejamu antu akwau mapit ma mu spiritu twajinguninang. Jinswir 11:25 ulondin anch: “Mwin kukwashan niyend akez kamukwash.”

Anch twayilejamu antu akwau yom twilejang, chikutuswapel kuyivurik yom yiney, ni mwamu ronganyin retu rikuya kurutu. Kwijik anch yom yiney yikutwish kuyikwash antu akwau chikutuswapel kuyilejamu.​—Mid. 20:35.

Pakish kusal mwamu: Rubing rikulondulap, ikasikesha kukimb mutapu ukutwisha kwisambin yom wilejang ni muntu mukwau. Ukutwish kwisambin yom yiney ni muntu wa mu dijuku dey, muntu kanang wa mu chikumangen chen, mbay ney wa mudimu, mbay ney wa shikol, mutej ney ap muntu ukutwisha kutan mu mudimu wa kulejan. Sadin mazu mey ni lond mu mutapu uswapela ni wovakena.

Kangal wavuramen: Isambina nau antu akwau yom wilejina mulong wa kuyikasikesh, kadap mulong wa kumekesh anch wij yom yivud.​—1 Ko. 8:1.