Mutapu wa Kuvurik Maverse

Ov, chakukasikedinap kal kuvurik verse umwing ukatining nakash? Ukutwish kwikal verse ukukasikeshining, ukata kukukwash kupandakan yitongijok yiyimp, ap uukatining kusadin mulong wa kwambamb ni antu akwau. (Ks. 119:11, 111) Shinshikin yiyul yikutwisha kukukwash kuvurik maverse.

• Sadin application JW Library^®. Wej kategori, ni mufunda anch: “Maverse Nikatina Nakash.” Tek maverse ukatina kuvurik mu chikunku chinech.

• Tek verse pa ndond ukutwisha kumuman. Fund verse ukatina kuvurik pa dipaper ni muteka pa ndond ukutwisha kumuman chisu chawonsu. Amwing akat kumulimik pa dikalash akwau akat kumulimik pa frigo. Akwau kand akat kumukwat chipich ni kumutek pa ordinater ap pa telefon wau.

• Sadin kand tumapaper twa yikunku. Fund verse mutambu umwing ni yom yifundinau mu verse mutambu ukwau. Pakish kutal mutambu ufundinau verse mulong wa kuvurik yom yidamu ap kutal mutambu uda mazu mulong wa kuvurik verse.