Ov, Watangap Kal Bibil ni Muntu Kapamp ka Kusambish Watanijanany?

Pa chisu wasambisha dilejan dia Bibil, in yikumbu amwing alonda anch kasangerap ap anch akat kwilej Bibil ku maegliz mau. Chawiy, akutwish kwisik ayinau chitongijok cha kwilej Bibil ni uman wau ukur, kakwetap chitongijok anch chikutwish kwikal mu mutapu udia zwang ni wa chisambu. Pakwez, kurutu kwa kusambish dilejan dia Bibil, mulong wak chifanyidinap kusal chakumenaku mu minit yaad chilejena mutapu wa kwirijek kapamp ka kusambish watanyijananya? Chilakej: Chifanyidinap kuyilej kusu anch udi ni yakudia yiwamp ni kupwa ey wayichirik nich pakwez ukutwish wayipakishaku didjimb diwamp dia palemp! Kudi mutapu ukutwisha wasal mwamu mu minit yikemp, ukusadil chitongijok chidia pa paj wa 6 wa Mudimu Wetu wa Want wa pa Chiwong 2006:

“Ov, utongin anch mazu minam makezap kuwanyin dichuku kanang? [Tang Isay 33:24, kupwa mulika akula.] El nikulej amboku chom kanang chisangareshina mu mutu wa mulong winou.” Lam ku chikas buku Chifundishinay Bibil, ni isambina nend pa paragraf wa 22 pa paj wa 36. Tang chipul chengamidina pa paj, ni mwipula mwin chikumbu chakwel akimba chakul utangina mu paragraf. Chikwau, ipul chipul chikwau, ni tesh yilondilay mwin chikumbu. Tang mifund yikwau pamwing. Pan chipul chiukeza kwakul pa chisu ukeza kumuchirikin, ni sal yitenchik ya kumuchirikin. Ufanyidin kusambish kwilej Bibil kapamp kamwing!