Ov, Ukat Kusadilany Chibur cha Panyim?

Pakatau antu kutambul gazet, atadiling chisu chivud pa chibur cha piur ni pakad kulab atal cha panyim. Chibur cha Chinong cha Kalam cha kutang patok kudi antu awonsu chisangareshining piur pa yipul ni mazu madingamu pamwing ni mutapu chilejeninga mapaj makweta rusangu tukutwisha kutan.

Tukutwish kutang yom yidiamu chakwel tutanamu yitongijok yiwamp piur pa yipul tukutwisha kwipul chakwel tusambisha minsamb. Anch tusadiling mudimu chisu ni chisu mu teritwar, tukutwish twaswimp mitapu yetu ya kusambish minsamb nich yipul yishalijadina kwi ngond. Anch mwin chikumbu ukwatiken ni mijikit, tukutwish kwiswimpish chakumenaku chetu kusutil ku kwipul chipul chimwing cha ku yipul yidia pa chibur cha panyim ni kulond anch: “Anch ukutwish kukat kwilej chakul, ni kutwish kukuletin magazet ni kukulej yom yivud piukwikala ni chisu.” In kwilej amwing akutwish kuswiridin kusambish minsamb ni mwin chikumbu kusutil ku kwisambin yom yidia pa chibur cha panyim ni kumulej chakwel atonda chipul chimusangareshina. Kupwa, akutwish kumekesh ndond yidia chakul ni kutang mufund watondinau kurutu. Pamwingap ukutwish kutongijokin mitapu yikwau ya kusadil chibur cha panyim chakwel chikubachika kusanger Chinong cha Kalam.