Mutapu wa Kusambish Mambamb ni Matrakt

Kudiosh Ngond wa 1, 2018, pa chibur cha Mudimu ni Mashakamin Mukand wa Chikumangan atekap yitongijok mulong wa mambamb. Atukasikesha kwambambang nau antu pa ndond pa kupanang kwau ching mikand. Mulong wa kuyikwash in kulejan kwambamb nau antu, mavideo ma yitongijok mulong wa mambamb malejana mutapu wa kusambish mambamb mu kusadin ching Bibil. Ov, chinech chirumburikin anch tufanyidinap kusadin mikand chisu tulejena ku chikumbu ni chikumbu? Bwat kwau! Chilakej, matrakt makutwish kwikal mutapu uwamp nakash wa kusambish mambamb. Tukutwish kusadin yom yidia kwinshin oku mulong wa kusadin trakt win mwawonsu:

1. Ipul chipul chidia pa chibur chikweta yakul ya kwitondinap.

2. Lejan chakul cha Bibil chidiokila mu verse chidia mutambu ukwau kwiur. Anch kudi chisu, tang verse ni isambinany jinsangu jidia kwimbet kwa trakt.

3. Mwinka chad mwin chikumbu trakt ni mukasikesha kutang yom yashalaku kal yikutwisha kumukwash.

4. Kurutu kwa kupwish, muleja chipul “Cha Kutongijokin” ni rijekany mulong wa kwisambin chakul cha Bibil dichuku dikwau.

Anch wamuchirikin, ambambinany chakul ni shang chipul ukwambambinanya kand dichuku dikwau. Ukutwish kutond chipul chidia pa kapend ketu ka web ap chidia panyim pa mikand yetu yikwau.Pa chisu chiwanyidina, muleja broshir Rusangu Ruwamp Ridiokila Kudi Nzamb! ap mukand ukwau wa kwilej nich Bibil udia mu Mushet wa Yom ya Kufundish Nich.