Ukutwish Kulejan ni Kufundish!

Moses widjidjeka mulong wa kuburen ukaliweny wa kuwanyish chisend chamwinkau kudi Yehova. (Kub 4:10, 13) Ov, wiyovilap kal niyey mwamu? Ov, wilejin Bibil ni Atuman a Yehova? Ov, ukat kwiyipul anch ukutwish kamu kulejan ku chikumbu ni chikumbu? Ap pamwing ap udi nsand widjidjekina kupan uman ku shikol. Pamwing ap kand wovil wom wa kupan uman ku telefon ap pa ndond yidia antu avud. Mulembila Yehova chakwel akwinkisha usu udiokila ku spiritu wend utumbila. (1Pi 4:11) Ikal nich kashinsh anch ukukwinkish yom yawonsu uswirikedina mulong wa kuwanyish chisend chawonsu chikwinkishinay.—Kub 4:11, 12.

TAL VIDEO UKWETA MUTU WA MULONG ANCH IKAL UTAKAMENA . . . MWIN KULEJAN, NI KUPWA AKUL KU YIPUL YILONDWILAKU EY:

• Chikokujol ik chamushikena nambaz Aoyama?

• Yom ik yamukwasha kwikal ni usu ni kutakaman?—Jer 20:7-9

• Yiyukish ik yikalay nich pipanay mulong wa kusal yom yivud mu mudimu wa Yehova?

• Yikokujol ik ya mu mudimu wa kulejan yikutwishay Yehova kukukwash kupandakan?