Yakul ku Yipul ya Bibil

Ov, Djabul wadiokala kwisu?

Nzamb kamutangap Djabul. Pakwez, Nzamb watanga mwangel weza kwinyim kutond kwikal Djabul, wijikena kand mudi Satan. Yesu walejan anch pa chisu kanang Djabul wading mwin yakin ni wakad mulong. Kwinsambishil, Djabul wading mwangel utentamina mwan wa Nzamb.​—Tang Yohan 8:44.

Ov, mutapu ik watwishay mwangel muwamp kwikal Djabul?

Mwangel wikala Djabul watonda kumubwambwil Nzamb ni wayibachika antu aad akusambish kwibomb nend. Chawiy lel wiyikadisha amwinend Satan, urumburikina “Mukankuny.”​—Tang Disambishil 3:1-5; Kujingunik 12:9.

Mudi yitang yikwau yikweta manangu ya Nzamb, mwangel weza kwikal Djabul wading ni want ipau wa kutond pakach pa kusal yom yiwamp ap kusal yom yiyimp, pakwez wapamisha maku ma kumwifukwil. Maku mend ma kusot katumb madinga makash kupandakanamu maku ma kumusangaresh Nzamb.​—Tang Mateu 4:8, 9; Jakobu 1:13, 14.

Ov, mutapu ik wadandamenay Djabul kuyibachik antu? Ov, ufanyidin kumwov wom? Ukutwish kutan yakul ku yipul yiney mu Bibil.