KU HANYA SWANGA VAKRISTE

Tizrisa Buku Ledzri Liki Hanya Hi Ku Nyonxa! Akuva U Tiyisa Lipfumelo Ha Yehovha Na Yesu

Akuva lava hi dondzraka navu Bibele va nyonxisa Xikwembu Nkulukumba va fanela ku va ni lipfumelo ledzri tiyiki. (Hb 11:6) Hi nga khumba timbilu tavu hi ku tizrisa buku ledzri liki Hanya Hi Ku Nyonxa Hi La Ku Nga Helikiki! Buku ledzri dzri kombisa matsralwa ya lisima lama khomiki mhaka, mintlhamuxelo leyi twalaka, swivutiso leswi kongomiki ma-vídeo lama khumbaka mbilu ni mifoto ya ku xonga. Loko hi pfuna lava hi dondzraka na vone Bibele leswaku va txutxela matsrhamela ya wukriste ni ku va ni wuxaka na Xikwembu Nkulukumba, hi ta va na hi yaka hi switizro leswi tiyiselaka ndzrilo.—1Ko 3:12-15.

Vhanu vanyingi va swi vona na swi kazrata ku va ni wunghanu na Xikwembu Nkulukumba, lweyi va kalaka va nga mu voni. Xileswo, hi fanela ku va pfuna ku tiva Yehovha va tlhela va mu dumba.

HLALELANI VÍDEO LEDZRI LIKI TIYISA LIPFUMELO KA YEHOVHA HI KU TIZRISA BUKU LEDZRI LIKI “HANYA HI KU NYONXA HI LA KU NGA HELIKIKI!”, MI GAMA MI HLAMULA SWIVUTISO LESWI LANDZRELAKA:

Hi swi tivisa kuyini leswaku makwezru a a tilulamiseli ha hombe akuva a ta fambisa xidondzro?
Xana a swi tizrise hi ndlela yini swivutiso leswi yengetelekiki akuva a pfuna lweyi a dondzraka naye Bibele leswaku a hlaya matitwela yake mayelanu ni buku dzra Ezaya 41:10, 13?
Xana a vídeo ni tindzrimana ta Bibele ti xi khumbise kuyini xidondzrana?

Vhanu vanyingi a wu twisisi ntlhamuxelo wa xitizrulo, kumbe a va xi voni swanga xihiwa xa Xikwembu Nkulukumba. (Ga 2:20) Xileswo hi fanela ku va pfuna kuva va tiyisa lipfumelo ka xitizrulo xa Yesu.

HLALELANI VÍDEO LEDZRI LIKI TIYISA LIPFUMELO KA YESU HI KU TIZRISA BUKU LEDZRI LIKI “HANYA HI KU NYONXA HI LA KU NGA HELIKIKI!”, MI GAMA MI HLAMULA SWIVUTISO LESWI LANDZRELAKA:

Hi swi tivisa kuyini leswaku makwezru a a tilulamiseli ha hombe akuva a ta fambisa xidondzro?
Xana a xi tizrisise kuyini xiyenge “Handzrisisa” akuva a pfuna lweyi a dondzraka na yene Bibele?
Ha yini xikhongoto xi li xa lisima ka lweyi hi dondzraka na yene Bibele?