Yampswisa Wuswikoti Byaku Bya Ku Zrezra​—Ku Tsremelisa Swidondzro Leswi Nga Hluvukiki

HA YINI SWI LI SWA LISIMA: Vhanu va fanela ku vitana vito dzra Yehovha leswaku va ta huluxiwa. (Ro 10:13, 14) Nambitasu, a hi hinkwavu lava pfumelaka ku dondzreliwa Bibele va djulaka ku hanya hi milawu ya Yehovha. Hi wu tizrisa hi wutlhazri nkama wezru wa lisima a nsin’wini hi ku pfuna lava hakunene va djulaka ku txintxa leswaku va tsrhavisa Yehovha. Loko xidondzrana xa Bibele xi nga yentxi nhluvuku wa ku voneka ntsrhaku ka nkama wa ku hlawa, hi wutlhazri hi tizrisela mintamu yezru ka vhanu lava Yehovha a va kokelaka kwakwe ni le ka nhlengeletanu yakwe. (Yh 6:44) Nambitasu, loko hi ku famba ka nkama mhunu wa kone a txintxa, a kombekisa leswaku hakunene a navela ku kuma ‘wutomi lebyi nga helikiki’, ha swi nyonxela ku tlhela hi sungulisa xidondzro naye.​—Min 13:48.

MAYENTXELA YA KONE:

• Tlangela xidondzrana hi leswi xi djulaka ku kuma wutivi bya xihlayelamfuzri.​—1Tm 2:4

• Tshimisisa lisima dzra ku hanya hi leswi xi swi dondzraka.​—Lk 6:46-49

• Hi ndlela ya xinghanu bula na xone hi xifaniso xa Yesu xa mubyali u tlhela u xi kombela kuva xi yanakanyisisa hi leswi swi nga ha vaka swi xi yentxa xi nga hluvuki.​—Mt 13:18-23

• Hi ndlela ya lizrandzru tlhamuxela leswaku ha yini mi yima ku dondzra.

• Mu byele leswaku u ta pfa u mu pfuxela akuva u mu kutxa nakone mi ta sungulisa ku dondzra loko a yentxa nhluvuku a nkameni lowu taka.

HLALELA VHIDIYU U GAMA U HLAMULA SWIVUTISO LESWI LANDZRELAKA:

• Xana u dondzre yini ka bulu, lexi kombaka leswaku xidondzrana a xi nga yentxi nhluvuku wa moya?

• Xana muzrezri a xi pfunise kuyini xidondzrana kuva xi vona leswaku ku djuleka xi txintxa?

• Xana muzrezri a swi tsrhikise kuyini swipfalu na swi pfulekile akuva va sungulisa xidondzro nkameni lowu taka?