Urutonde rw’Amakoraniro y’Umurimo

Indwi Itangura ku wa 11 Nyakanga

Ururirimbo rwa 4 (43)

Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami.

Imin. 15: “Umuhezagiro wa Yehova Utugira Abatunzi.” Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.—Raba igitabo Étude perspicace, Imbumbe ya 2, urupapuro 799, ingingo ya 12-13, aho kiboneka.

Imin. 20: “Nukoreshe Ibintu Bikunda Gushika Kugira ngo Uvyure Ugushimishwa.” Uguhana ijambo n’abumviriza hamwe n’imyerekano. Nuvuge ibintu nka bingahe bikunda gushika vyavyuye ugushimishwa ngaho iwanyu. Ni iyihe myitwarariko yerekeye kazoza ivyo vyateye? Ukoresheje igitabu Comment raisonner, urupapuro rwa 10-11, nutange ivyiyumviro bimwebimwe ku kuntu hotegurwa amajambo ntanguzakiyago azoshikana ku kiyago ca Bibiliya. Nushiremwo imyerekano ibiri yateguwe neza y’ukuntu bigirwa.

Ururirimbo rwa 28 (224) n’isengesho ryo gusozera.

Indwi Itangura ku wa 18 Nyakanga

Ururirimbo rw’8 (53)

Imin. 10: Amatangazo y’iwanyu. Raporo y’ivy’amakonte.

Imin. 15: Twakoze Gute ku Mwaka Uheze? Insiguro ishikirizwa n’umucungezi w’umurimo. Nimwihweze ivyiyumviro bikurubikuru bivuye muri raporo y’ishengero y’umwaka w’umurimo w’2000. Nushime ibintu vyiza vyaranguwe. Niwerekane ahantu hoshobora kuba hakeneye kuryohorwa. Nushimike ku kuntu ishengero ryakoze mu kwitaba amakoraniro, gutanguza n’ukurongora inyigisho za Bibiliya no mu kudahorereza mu gikorwa co mu ndimiro. Nuvuge muri make imigambi ngirakimazi mwishingiye ku bw’umwaka uza.

Imin. 20: “Ubuzima Burageramiwe!” Ukuganira n’abumviriza. Nushimike ku vyanditswe vyatanzwe mu kiganiro.

Ururirimbo rwa 18 (162) n’isengesho ryo gusozera.

Indwi Itangura ku wa 25 Nyakanga

Ururirimbo rwa 20 (93)

Imin. 15: Amatangazo y’iwanyu. Niwibutse abamamaji gutanga raporo z’umurimo wo mu ndimiro w’ukwezi kwa Nyakanga. Nimwihweze Inyishu ku Bibazo Vyanyu.

Imin. 15: “Indinganizo Yacu Yoroheje yo Gutanga Ibisohokayandikiro.” Nushiremwo umwerekano aho umwamamaji abimenyereye yerekana ishikirizwa ryuzuye ry’ibisohokayandikiro harimwo ugusaba umunyamuhana niba yoshima gutanga intererano ku bw’igikorwa cacu.

Imin. 15: Ibinyamakuru Vyacu Ntibita Agaciro Kavyo. Ubigenza gute igihe inomero za kera z’Umunara w’Inderetsi na Réveillez-Vous! zirundanye? Abamamaji bamwebamwe bafise impengamiro yo kubita, biyumvira yuko ibiganiro birimwo bitagihuye n’igihe. Ahubwo riho, Igikorwa Dukorera Ubwami (mu Giswahili) co muri Nyakanga 1993, urupapuro rwa 3, caraduhimirije gutwara inomero zimwezimwe za kera no kuzishikiriza igihe bibereye. Urashobora gucagura ibiganiro bihuje n’igihe vyoshobora gukwegera abagabo, abagore, abakozi, abageze mu zabukuru n’imiyabaga; maze nutegure ivyo binyamakuru kugira ngo ubishikirize igihe akaryo kabonetse. Niwerekane ukuntu ibiganiro vyoshobora kurobanurwa no kwerekanwa. Niwigane ivyabonywe vy’ukuntu abamamaji berewe igihe bariko barashikiriza ibinyamakuru bimaze igihe.

Ururirimbo rw’7 (51) n’isengesho ryo gusozera.

Indwi Itangura ku wa 2 Gitugutu

Ururirimbo rw’8 (53)

Imin. 15: Amatangazo y’iwanyu. Numenyeshe ishengero ivyerekeye igabanganywa ridasanzwe ryateguriwe Inkuru z’Ubwami No. 36, rizotangura ku wa mbere, igenekerezo rya 16 Gitugutu, hanyuma ribandanye gushika ku wa Gatanu, igenekerezo rya 17 Munyonyo. Nuhimirize bose, ushizemwo abato n’abashasha, barondere kugira uruhara mu buryo bwuzuye muri iryo gabanganywa. Abarongozi b’inyigisho y’igitabu bakwiye gutangura ubu guhimiriza no kwungunganya abari mu migwi barongoye bose kugira ngo bagire uruhara bafise ishaka ryose rishoboka. Nushiremwo ivyabonywe vyubaka vyavuye mw’igabanganywa ry’Inkuru z’Ubwami riheruka.

Imin. 15: “Noba Nkwiye Kwimuka?” Insiguro ishikirizwa n’umukurambere. Nusigure igituma bikenewe kugira ubukerebutsi mu gufata ingingo yo kwimukira ahandi. Nuvuge ukuntu impanuro dusanga mu Migani 22:3 yoshirwa mu ngiro. Nushiremwo insasanuro ku kwiyubara kwavuzwe mu Munara w’Inderetsi (mu Gifaransa) wo ku wa 15 Myandagaro 1988, urupapuro rwa 22.

Imin. 15: Ivyabonywe mu Gutanguza Ibiyago. Muri porogarama y’Ikoraniro ry’Umurimo ryo ku ndwi yo ku wa 11 Nyakanga, twarasabwe gushimikira ku majambo ntanguzakiyago ajanye n’ibintu bikunda gushika kugira ngo tuvyure ugushimishwa kandi dutanguze ibiyago mu busuku. Nusabe abumviriza bigane ingaruka nziza binovoye zivuye ku gushira mu ngiro ivyo vyiyumviro.

Ururirimbo rwa 22 (130) n’isengesho ryo gusozera.