“Mu mwaka umwe uzoba upfuye”

ZACHAEUS nta n’umwe yigeze amwigisha Bibiliya. Ahubwo aho amariye gusoma igitabu citwa Salut be n’icitwa La Harpe de Dieu, yaciye abona ko yubuye ukuri.

Umusi umwe ku w’iyinga mu gitondo ca kare mu 1941, Zachaeus yarafashe urugendo agiye kw’ikoraniro ry’Ivyabona ari bwo bwa mbere, rikaba ryabereye ku bilometero umunani, munsi y’umusozi muremure. Kubera ko atari azi igihe ikoraniro ritangurira, yashitse hagisigaye amasaha atari make ngo ritangure. Zachaeus yaricaye ararindira ko abavukanyi bashika. Amaze kwitaba amakoraniro yo ku w’iyinga incuro zitatu ku Ngoro y’Ubwami, yaciye abwira ishengero rya Anglikane ryo ng’aho ngo bamukure ku rutonde rw’abanywanyi baryo.

Umugenzi wiwe somambike basenga hamwe yamubwiranye ishavu ati: “Wa mutama we, niwabandanya kuza uragira ivyo bilometero umunani uduga wongera umanuka uwo musozi ugiye ku ngoro y’abo bantu, mu mwaka umwe uzoba upfuye.” Yaramaze imyaka itanu abona Zachaeus aduga yongera amanuka uwo musozi kabiri mu ndwi. Mu nyuma, uwo mugenzi wiwe yarapfuye giturumbuka! Mu myaka 25 yakurikiye, Zachaeus yari akidora.

Zachaeus yarakoreye Yehova adahemuka gushika apfuye afise imyaka 97.