Ururirimbo rwa 38

Tugaragaze ukudahemuka

(Zaburi 18:25)

1. Yehov’arafis’ihanga

Ritwar’izina ryiwe,

Abantu badahemuka,

Kuyagwa kub’ukwiwe.

Imfungurwa z’ivy’impwemu

Bafungura bashima,

Mu ngeso bamuhimbara

Bivuye ku mutima.

2. Kw’ishengero rya Yehova

Natwe ntiduhemuka,

N’umutima wacu wose,

Nah’abansi bakaka.

Ivyiwe tuzokingira,

Nta kivyica kizoza;

Mu gihe vyobangamirwa,

Tuzoca dutabaza.

3. Tuzofash’abavukanyi

N’abakiri bashasha,

Mu nyigisho tubashira

Bagir’ukwiyorosha;

N’iyo turi mu ngo zacu,

Reka batwizigire.

Iyo turi kumwe na bo

Ntitubahemukire.

4. Mur’iyi si ihemuka

Tuzob’intahemuka,

Ku wubikwiriye wese

’Ngendo ntigabanuka.

Shetan’ac’ab’umubeshi

Yehov’ab’uwukuri,

Bitume atwikundira

Ahimbarwe vy’ukuri.