Imana imererwa gute igihe uri mu mibabaro?

Hari abibaza ko Imana itabona imibabaro idushikira be n’uko itayitwararika.

RIMBURA IVYO BIBILIYA IVUGA

• Imana irabibona kandi ikavyitwararika

  ‘Yehova yarabonye ko ububi bw’umuntu bwari bugwiriye mw’isi, biramubabaza mu mutima.’​—Itanguriro 6:5, 6.

• Imana izokuraho imibabaro yose

  “Kandi hasigaye akanya gatoyi, umubisha ntabe akiriho; kandi uzokwitegereza koko aho yahora, umubure. Mugabo abatekereza bazokwigabira isi, kandi bazokwinovora amahoro menshi.”​—Zaburi 37:10, 11.

• Ico Imana ikwipfuriza

  “‘Nzi neza ivyiyumviro ndabiyumvirako,’ ni ko Yehova avuze, ‘ivyiyumviro vy’amahoro, atari ivy’ivyago, kugira ngo ndabahe kazoza n’icizigiro. Muzompamagara koko, muze, maze munsenge, nanje nzobumviriza.’”​—Yeremiya 29:11, 12.

  “Mwiyegereze Imana, na yo izobiyegereza.”​—Yakobo 4:8.