Ico Twovuga ku Vyerekeye Ibinyamakuru

Umunara w’Inderetsi 15 Muny.

“Bamwebamwe baribajije nimba dukeneye amasengero yo gusengeramwo Imana. Wewe uvyibazako iki? [Nurindire inyishu.] Raba ico Bibiliya ivuga kuri ivyo. [Soma Ivyakozwe 17:24.] None ibibanza vyo gusengeramwo bikwiye gushitsa intumbero iyihe? Iki kinyamakuru kiratanga inyishu ishingiye ku Vyanditswe kuri ico kibazo.”

Réveillez-vous! 22 Muny.

“Woba wibaza ko umusi uri zina siyansi izokuraho indwara? [Nurindire inyishu.] Iyi nomero ya Réveillez-vous! irihweza bimwebimwe mu vyo siyansi yateyemwo imbere. Irerekana kandi igituma Umuremyi wenyene ari we afise ububasha bwo gukuraho indwara n’urupfu.” Soma Zaburi 146:3-5 hanyuma uce utanga ibinyamakuru.

Umunara w’Inderetsi 1 Kig.

“Muri iki gihe ca none, hafi umuntu wese asanga kuronka ikimubeshaho ari ikintu kigoye. Ivyo ni ko biri no ku vyerekeye amadini, kandi ivyo gusaba amahera birushiriza kwiyongera kurusha ikindi gihe cose. Woba ubona ko ivyo bibuza umuntu amahoro? [Nurindire inyishu. Hanyuma uce usoma 1 Ab’i Tesalonike 2:9.] Uyu Munara w’Inderetsi urihweza ico Bibiliya ibivugako.”

Réveillez-vous! 8 Kig.

“Kubera iterabwoba rigirwa na bagaterabwoba, abantu benshi baribaza nimba gufata ingendo n’indege ata ngorane biteza. Ivyo vyoba bikuraje ishinga? [Nurindire inyishu.] Bibiliya iremera icese yuko ata n’umwe yatewe urucanco rwo kumukingira ivyago. [Soma Umusiguzi 9:11.] Ariko rero, iyi nomero ya Réveillez-vous! irarimbura ukuntu ushobora kwongereza umutekano wawe be n’ukumererwa neza kwawe igihe ufashe urugendo n’indege.”