Kubera iki woca ugenda udatebaganye?

Igihe turi mw’ikoraniro ryo gusohoka mu ndimiro, tuba turi mu bavukanyi bacu. Ni ibisanzwe rero ko twipfuza kuyaga na bo. Ariko rero, iryo koraniro rirangiye, turakwiye guca tugenda mu cibare tudatebaganye. Igikorwa cacu co kwamamaza kirihutirwa. (2 Tim. 4:2) Uko turushiriza guteba, ni ko umwanya twari kumara mu busuku urushiriza kugabanuka. Turaronka uturyo twinshi two kwifatanya n’abamamaji bagenzi bacu mu buryo bwubaka igihe dukorana na bo mu busuku. Duciye tuja mu busuku tudatebaganye, tuba twerekanye ko turi abanyamwete uko dushumbira Yehova n’Umwana wiwe.​—Rom. 12:11.