Turyohore ubuhanga bwacu mu busuku—Gushikiriza igitabu Ivyo Bibiliya yigisha

Igituma bihambaye: Igitabu Ivyo Bibiliya yigisha ni igikoresho nyamukuru mu bikoresho dukoresha mu kwigisha. Ariko rero, imbere y’uko twigisha umuntu muri co, tubanza kukimushikiriza. Ku bw’ivyo, twese turakwiye kwihatira kuba abahanga mu gushikiriza igitabu Ivyo Bibiliya yigisha mu busuku. (Imig. 22:29) Hariho uburyo bwinshi bwo kugishikiriza, rero abamamaji barakwiye guhitamwo ubwoborohera.

Uko twobigira:

Nutore ikibazo kivyura ugushimishwa wokoresha mu kwerekeza uwo muriko muraganira ku kigabane co muri ico gitabu cishura ico kibazo. Woshobora mbere guhitamwo kimwe mu bibazo biri mu ntango ya buri kigabane cose. Umaze kwumva inyishu y’uwo muntu, nusome icanditswe kibereye maze umwereke ingingo ijanye n’ivyo muriko murayaga kandi kumbure muce muyiganirako muri make.
Ubundi buryo ni ugukoresha ibiri ku mpapuro z’intangamarara kugira ngo uvyurire umunyamuhana ugushimishwa maze ugaca umwereka muri ico gitabu ahari inyishu zishingiye kuri Bibiliya. Nk’akarorero, woshobora kuvuga ikintu kibi giheruka kuvugwa mu makuru maze ugaca usigura ko abantu benshi bipfuza cane kumenya inyishu z’ibibazo biri ku rupapuro rwa 3. Canke woshobora kuvuga ko uriko uragendera ababanyi bawe kugira ngo muyage ku kintu ciza kizoba muri kazoza. Nuce umwereka amafoto ari ku rupapuro rwa 4-5 maze uce umubaza uti: “Muri iyi mihango ni uwuhe wipfuza kubona urangutse?” Ubundi buryo ni ubwo kuvuga ko ubagendeye gatoyi kugira ngo murabire hamwe inyishu z’ibibazo bihambaye mu buzima. Nuce wereka umunyamuhana ibibazo biri mu mpera y’urupapuro rwa 6, maze uce umubaza ico abona ko kimushimisha kuruta ibindi.
Nukoreshe uburyo burashe bufasha gutanguza inyigisho ya Bibiliya. Woshobora kuvuga uti: “Turiko turereka ababanyi bacu iki gitabu gifasha umuntu kwiga Bibiliya. Woba wari umaze kukibona? [Rindira yishure.] Nimba ufise iminuta nk’ingahe, noshima kukwereka ukuntu wogikoresha wifashishije Bibiliya yawe.”

Muri uku kwezi nugerageze iki kintu:

Nimugire udukino two kwimenyereza mu gusenga kwo mu muryango.
Igihe uri mu busuku, nubwire abandi bamamaji ivyo wategekanije kuvuga. (Imig. 27:17) Nuhindure amajambo ukoresha mu gutanguza ikiyago igihe ubonye ko atari kirumara.