Ubwami buramaze imyaka 100 buganza

Abipfuza kuba abatwarwa b’Ubwami bw’Imana bakwiye kumenya ibishoboka vyose ku bijanye n’ubwo Bwami be n’ivyo bumaze kurangura. Kubera iki? Biratuma barushiriza kujijuka ko Ubwami bw’Imana buganza, bikanabavyurira umutima wo kubwira abandi inkuru nziza y’Ubwami bw’Imana. (Zb 45:1; 49:3) Uko urorera videwo ivuga ngo Ubwami buramaze imyaka 100 buganza, rondera inyishu z’ibi bibazo:

1. “Urukurikirane rw’amafoto yerekeye ivy’irema” rwafashije gute abaruravye?

2. Iradiyo yakoreshejwe gute kugira abantu bumve inkuru nziza?

3. Ni ubundi buryo ubuhe bwo kwamamaza inkuru nziza bwakoreshejwe? Vyavuyemwo iki?

4. Ni ukumenyerezwa kwiyongereye ukuhe abamamaji bagiye bararonswa?

5. Ni inyigisho nziza iyihe abanyeshure b’i Gileyadi baronkejwe?

6. Amahwaniro yafashije gute mu bijanye no kwigisha abasavyi ba Yehova?

7. Ni igiki kikwemeza ko Ubwami bw’Imana buganza?

8. Twoshigikira gute Ubwami bw’Imana?