Ururirimbo rwa 91
Kwigishwa na Yehova
1. Yehov’aratang’umuco
N’Umwigisha mukuru.
Ayobor’intama ziwe
Yihanganye mw’ijuru.
Bose bakwiye kumenya
Kw’ari we Rudasumbwa
Atwigisha ngo dukore
Ca gikorwa nyamukuru.
Wa mukozi w’umuhanga,
Wa Mwigish’ahambaye,
Yavuz’ivyo yigishijwe,
Ni vyo Se yamutumye.
Ubwami yarigishije,
Abigiran’urukundo.
Ab’uruhongore rwiwe
Abigish’ata ruhendo.
2. Turifitiy’abungere
Duhabwa na Yehova,
Batwigish’ibitunganye,
Kuri we ni ho biva.
Barafash’ab’intege nke
N’abasaragurika.
Bigish’ibigororotse vya kwa
Kuri kw’intahava.
Yehov’ub’aratwigisha,
Yez’akabirongora.
Twaratew’ako gateka
Kuko bitugorora.
Nimba dushaka gufasha
Barya banyotew’ukuri,
Na bo bazoseng’Imana
Bibabere urumuri.
3. ‘Nimuze yemwe mwa bantu
Yehova atwigishe’,
Ni vyo biriko bikorwa
Kugir’azoduhishe.
Mu mpapuro no ku munwa
Bwa Bwami buravugwa,
Mu moko n’amahanga yose;
Nimuze tubwigishe.
Ko dusangiy’igikorwa
Dukomez’ukwizera,
Twame tujana n’umuco,
Ubwami twihatira.
Hanyuma kuri ya ntwaro
Abapfuye bazozuka,
Bige, babe kw’isi, kw’ata
Gasembwa kazogaruka.