ICIGWA CA 11

Gushwashwanuka

Abaroma 12:11

INCAMAKE: Nuvugane igishika kugira utume abakwumviriza bacangamuka no kugira ubavyurire umutima wo kugira ico bakoze.

Nuvuge ibivuye ku mutima. Igihe utegura ikiganiro cawe, nuzirikane cane ukuntu gihambaye. Nutegure neza ivyo uzoshikiriza gushika bikunyuze, ku buryo uzobivuga bivuye ku mutima.
Nuzirikane abakwumviriza. Niwiyumvire ukuntu ivyo uzosoma canke ivyo uzokwigisha bizobagirira akamaro. Nurabe ukuntu wobishikiriza ku buryo barushiriza kubiha agaciro.
Nuvuge ucangamutse. Nuvugane igishika. Nureke mu maso hawe n’ibimenyetso vy’umubiri ugira biserure ukuntu wiyumva.

Ntugume usubiramwo ikimenyetso kimwe gusa kuko vyosamaza abakwumviriza. Ntugire ibimenyetso bidafise insobanuro. Nurushirize gushwashwanuka igihe ushitse ku vyiyumviro bihambaye n’igihe uvyurira abakwumviriza umutima wo kugira ico bakoze. Ntugire igishika cinshi mu kiganiro cawe cose, kuko vyotuma abakwumviriza barambirwa.