Indirimbo ya 96

Dusingize Data wa twese, Yehova

(Yohana 17:4)

1. Ibyaremwe biririmba

Icyubahiro cyawe.

Waremye ibintu byose

Bibaho biravuga.

Mu kuboko kwawe hava

Impano nziza zose.

Watumye ubuhanuzi

Busohora ku gihe.

Ubwo Yesu yavukaga

Yakiranywe ikuzo.

Wanaduhaye incungu,

Binyuze kuri Kristo!

2. Umwana wawe ukunda

Yanesheje Satani,

Asohoza ubutumwa

Anafasha abantu,

Yahawe ubutegetsi,

Ni Umwami uganje.

Yabwirije amahanga

Izina ryawe ryera.

Twebwe ab’ubwoko bwawe,

Turangurure tuti

‘Yehova, Mana y’umucyo,

Tuzarokorwa nawe!’

3. Tugusingize twishimye,

Tukunezeze cyane,

Tukwiyegurire twese,

Kandi tugukorere.

Izina ryawe ni ryezwe,

Risingizwe iteka.

Urukundo ntirukonje,

Duhorane ishyaka.

Tugukorere iteka

Kandi tutizigamye:

Tuzaha izina ryawe

Icyubahiro cyinshi.