Kodi Mulungu Anadzafudza Pontho Anthu Akuipa?

22 Lero pina pali anthu akuipa pikulu pene. Kodi ndi pinthu pyanji pyakuipa pinaonemwe mbapicitwa pano?

23 Anango asapha anthu anzawo. Mulungu asati kuti nkhabe funika kucita pyenepi.—Ekisodo 20:13; 1 Juwau 3:11, 12.

24 Anango asaba. Mulungu asati kuti leka kuba.—Ekisodo 20:15; Aefesu 4:28.

25 Pana amuna anakwata akazi akuinjipa. Anango asakhala na akazi awiri peno akubvirira m’nyumba zakusianasiana. Mabanja anango pina asakhala pabodzi pene mbadzati kumanga ukwati. Pyonsenepi mphyakuphonyana na pinalonga Bibilya.—Mateyu 19:4-6; 1 Akorintu 7:1-4; 1 Timoti 3:1, 2.

26 Kodi musakumbuka kuti Mulungu ampasa Adamu nkazi mbodzi basi?—Genesi 2:22, 24.

27 Anango asalambira mafanikizo. Mulungu asati kuti nkhabe funika kuphatisira basa mafanikizo peno adzimunthu m’kulambira.—Ekisodo 20:4, 5; Yesaya 44:9-17; 1 Juwau 5:21.

28 Yahova anadzafudza anthu akuipa anakhonda kucinja.—Masalimo 37:9, 10; Luka 13:5; 1 Akorintu 6:9, 10.