Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Nyenzi

“Azinji asatawira kuti ntsiku yace Mulungu anadzaatonga mwakubverana na macitiro awo. Musanyerezera kuti Ntsiku Yakutongwa ndi yadidi toera kuidikhira peno ndi yakugopesa? [Dikhirani ntawiro.] Onani pinalongwa apa.” Pasani mwanaciro nyumba A Sentinela ya 1.° de Setembro, dingani pabodzi mphangwa zinagumanika pantsi pa nsolo ung’ono wakutoma pa tsamba 16 na lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Setembro

“M’mbuto zizinji pa dziko yapantsi, akazi asapondererwa na asatsalakanwa mwakuipa. Mwakutsukwalisa, pipfundziso pya mauphemberi pisaphedzera matsalakaniro anewa. Musanyerezera kuti mwandimomwene Mulungu asatsalakana akazi? [Dikhirani ntawiro.] Onani kuti Bhibhlya isapfundzisa tani amuna toera kutsalakana akazawo. [Lerini Aefesi 5:28, 29.] Revista iyi isapangiza kuti Bhibhlya isalonganji thangwi ya maonero a Mulungu kwa akazi.”

Despertai! de Setembro

“Anthu azinji asalonga kuti ntsiku yace umaso unadzamala pa dziko yapantsi, panango kubulukira ku nkhondo za mabomba makulu peno cidengwa cacibaliro, peno kucinja kwa makhaliro akudambo. Musaona kuti manyerezero anewa akumala kwa umaso pa dziko ndi akulinganira, peno musaona ninga tsendzo? [Dikhirani ntawiro.] Bhibhlya isapereka pikiro iyi yakupasa cibalangazo. [Lerini Masalmo 37:29.] Revista iyi isadinga manyerezero mangasi akudziwika analonga pya kumala kwa umaso pa dziko, isadingambo maonero akulinganira a Bhibhlya analonga kuti tsogolo inadzabweresanji.”