Kuthimizira Maluso Athu Mu Utumiki—Kukhala Nyakuperekera Wakuphedza

Thangwi Yanji Mphyakufunika: Yezu adzindikira kufunika kwa kumwaza mphangwa na nyakuperekera. Natenepa, pidatuma iye anyakupfundzace akukwana 70 toera kuenda patsogolo pace na kumwaza mphangwa, iye aatuma awiri awiri. (Luka 10:1, Tradução do Novo Mundo) Nyakuperekera anakwanisa kupereka ciphedzo cakufunika kwa m’mwazi mphangwa ndzace angathimbana na makhaliro akunentsa peno angacimwana kutawira mwanaciro nyumba. (Koel. 4:9, 10) Iye anakwanisa kulonga pyakugumana napyo pyace, m’midzidzi inango mbapereka maonero akuti anaphedza ule anaphata na iye toera kukhala m’mwazi mphangwa waluso. (Mis. 27:17) Anakwanisambo kuwangisa ndzace mu kulonga mafala akuwangisa pakubuluka panyumba kuenda panyumba inango.—Afil. 4:8.

Tinacita Tani Pyenepi:

Mu ndzidzi unalerwi Bhibhlya, towezerani m’Bhibhlya yanu. Pyenepi pinakukhunganyani toera kupereka ciphedzo pa ndzidzi wakufunika.
Mungaperekera m’mwazi mphangwa ndzanu toera kacitisa pfundziro ya Bhibhlya, maonero anu akucepa anaphedza kakamwe. Mbwenye pakumwaza mphangwa nyumba na nyumba, panango ndzanu anadzafuna kuti munsiye alonge khala ndi ndzidzi wace wakulonga. Natenepa, khala ndi m’mwazi mphangwa mupswa, peno nkhabe dziwa kuti anatawira tani mbvundzo peno kupokanywa, anadzapereka takhuta na ciphedzo canu. Mwakukhonda tsalakana khala mukuperekera m’mwazi mphangwa m’basa ya nyumba na nyumba, ulendo wakubwereza, peno pfundziro ya Bhibhlya, lekani kugwandira mafala, kulonga pizinji, peno kulonga mphangwa zakusiyana na zinadinga ndzanu.
Midzidzi inango mungafuna kupasa maonero ndzanu anaphata na imwe toera kuthimizira luso yace mu utumiki, lekani kunyinyirika. (Mis. 3:27) Pa ndzidzi wakuthema munakwanisa kulonga: “Ndi api maonero anu pa nkhani idadinga imwe?” peno, “Ndiri na maonero pang’ono!” peno, “Ine ndisacita tenepa.” Kumbukani kuti, maseze anthu asakomerwa angapaswa maonero m’midzidi inango, iwo anafewa manungo angapangizwa madodo onsene anacita iwo.

Yeserani Kucita ipi Nkati mwa Nthanda: