Munakwanisa Kucemera Anango Toera Kubuluka Mu Utumiki?

M’mipingo mizinji muli na amwazi mphangwa akuti nee asakwanisa kucita pizinji mu utumiki thangwi ya nyatwa za ungumi peno kukalamba. (2 Akor. 4:16) Kodi imwe munakwanisa kucemera m’mwazi mphangwa ali m’makhaliro anewa toera akuperekereni ku pfundziro yanu ya Bhibhlya? Khala m’mwazi mphangwa nkhabe kwanisa kubuluka panyumba, panango munakwanisa kucitisa pfundziro yanu panyumba yace. Kodi midzidzi inango munakwanisa kucita masasanyiro toera kumwaza mphangwa nyumba zakucepa peno kucita ulendo wakubwereza ubodzi peno mawiri na m’mwazi mphangwa wakunentseka? Amwazi mphangwa azinji akukalamba ali na maluso mazinji m’basa ya utumiki. Natenepa, kuwangisira kwanu nee kunadzawangisa iwo basi, mbwenye imwe munadzaphindulambo. (Arom. 1:12) Mwakuthimizira, kuwangisira kwanu kusapangiza ufuni, mu njira ineyi munadzapaswa nkhombo na Yahova.​—Mis. 19:17; 1 Jwau 3:17, 18.