Mbanyi Nemɔ Yɛ Adwuma Serɛ Bɛfa Bɛboka Yehowa Mmenia

Ofi tete yeɛ bɛbɔ bele tumi ne, bafa bɛ tumi bahyɛ mmenia so ɔ. Ɛhẽne ati, bɛbɔ bele tumi ne, mmenia le bɛnwo adwene bɔ ɔttemayé ɔ. (Mik 7:3) Nakoso asafo nu mbanyi nemɔ de batete bɛ, yeti tumi bɔ Yehowa afa ama bɛ ne bɛfa bɛboka ye mmenia, na ɛhe maa yɛnye gye paa.—Ɛst 10:3; Mat 20:​25, 26.

Asafo nu mbanyi nemɔ dɔ Yehowa, yeti befi ɔdɔ nu bɛnea ye mmenia so. Bɛte sorongõ koraa wɔ bɛbɔ bele tumi wɔ ewiase nanu nanwo. (Yoh 21:16; 1Pe 5:​1-3) Asafo nu mbanyi nemɔ fa akwangyerɛ bɔ Yesu fama bɛ ne yɛ adwuma, yeti bɛboka dawurubɔniɛ biala maa yenye gye wɔ asafo nanu. Afei koso, bɛboka yɛ maa yɛne Yehowa afĩa yɛ kama. Sɛ anwonyerɛ bie bɔ enu yɛ se bɔ yɛ, anaakyɛ atorɛngyɛm bie si a, asafo nu mbanyi nemɔ yɛ ndɛ boka yɛ, na bɛhyɛ yɛ ngunaen. Yeti sɛ ehĩa mmokalɛ bie a, nnɛmaa ɔha wɔ kyɛ ɛkɔfrɛ asafo nu panyi biala bɔ ɔwɔ w’asafo nu ɔ.—Yak 5:14.

NEA VIDIO BƆ YEƐ OLE, ASAFO NU MBANYI NEMƆ DWENE YEHOWA MMENIA NWO, NA YE NZƐMMISA HEMƆ NOA:

• Bɔ asafo nu mbanyi nemɔ yɛle ne, sɛɛ yeɛ ɔbokale Mariana ɔ?

  Tworɔ wɔ mmuayɛɛ ne wura wa

• Bɔ asafo nu mbanyi nemɔ yɛle ne, sɛɛ yeɛ ɔbokale Elias ɔ?

  Tworɔ wɔ mmuayɛɛ ne wura wa

• Ɛneane vidio ne yiele ne, enwu adwuma bɔ asafo nu mbanyi nemɔ yɛ ne sɛ́?

  Tworɔ wɔ mmuayɛɛ ne wura wa