Aso Ɛbɔ Mmɔden Nwu Kyɛbɔ Yehowa Bua Wɔ Mbaeɛ Anaa?

Nneasoɛ pẽe wɔ Bible nanu bɔ okyire kyɛbɔ Yehowa buale ebiemɔ mbaeɛ ɔ. Nyameɛpiri asomvoɛ biemɔ gyidie yɛle se, mmerɛ bɔ Yehowa tiele bɛ mbaeɛ, ná olili bɛhaw ahoroɛ nwo dwumaa mane bɛ ne. Yeti, yenwo hia kyɛ yɛkɔbɔ nningyein pɔtẽe nwo mbaeɛ, na yanea kyɛbɔ Yehowa kobua kɔma yɛ ɔ. Hyɛ ye nzorɛ kyɛ, Yehowa kɔhora kɔfa atẽe sorongõ bie aso kobua wɔ mbaeɛ ne. (2Ko 12:7-9; Ɛfe 3:20) Nningyein benimɔ yeɛ Yehowa yɛ fa kyire kyɛ watie yɛ adesrɛdeɛ ne ɔ?

• Ɔma yɛ anwoɔnaen nu anwoserɛ, asomdwee, ɔne gyidie bɔ yɛkɔfa yekogyina ɔhaw ne noa ɔ.—Flp 4:13

• Ɔma yɛ nworɛ, bɔ yɛkɔfa yekosi gyinaeɛ pá ɔ.—Yak 1:5

• Ɔmaa yenya ɔpɛ ne anwoserɛ bɔ yɛkɔfa yɛkɔyɛ nikyee ɔ.—Flp 2:13

• Sɛ dadwene hyɛ yɛ so a, ɔmaa yɛnwo dwo yɛ. —Flp 4:6, 7

• Ɔmaa yenya bɛbɔ bɛkɔboka yɛ maa yɛsa kɔhã nningyein bɔ yehia ɔ.—1Yo 3:17, 18

• Ɔboka bɛbɔ yɛbɔ mbaeɛ yɛ ma bɛ ne. —Aso 12:5, 11

NEA VIDIO BƆ YEƐ OLE, YEHOWA TE “MBAEBƆ TIEFOƐ” NE, NA YE NZƐMMISA BƆ OLILI SO HEMƆ NOA:

• Sɛ ebia ɔnate anwonyerɛ anaa tebea biemɔ ti, yɛngora yɛnyɛ pẽe tekyɛ dáa ne a, sɛɛ yeɛ Aliemaa Shimizu suahu ne kɔhora kɔhyɛ yɛ ngunaen ɔ?

• Sɛɛ yeɛ yɛkɔhora yekosuesũa Aliemaa Shimizu nneasoɛ ne ɔ?