Boka Wɔ Bible Asuafoɛ Maa Bɛpo Abiɛngõɛ Tɛɛ

Sɛ Bible asuafoɛ kɔhora ne Yehowa kɔfa adamvoa a, sana bɛfa abiɛngõɛ pá. (Ed 15:1, 4) Abiɛngõɛ pá bɔ bɛkɔfa ne kɔboka bɛ maa bɛkɔyɛ bɔ ɔtengyɛ ɔ.—An 13:20; lff Adesua 48.

Sɛ ɛboka wɔ Bible asuafoɛ maa bɛpo abiɛngõɛ tɛɛ a, ma benwui kyɛ ɛdwene bɛnwo. Ebia ɔkɔyɛ se kɔma bɛ kyɛ, bɛne bɛnamvo dáa nemɔ kɔpɛ adamvoafalɛ nu ɔ. Yeti sɛ ɛmɔnyɛ Bible adesua pó a, ɛkɔhora kɔyɛ nikyeebie kɔfa kohyire kyɛ ɛdwene bɛnwo. Ɛkɔhora kɔsɛnde bɛ message, ɛkɔfrɛ bɛ wɔ fon so, anaa ɛkɔɔsra bɛ. Mmerɛ bɔ wɔ Bible asuafoɛ nya ngɔsoɛ ne, ɛkɔhora kɔto wɔsa kɔfrɛ bɛ maa bɛne Nyameɛpiri mmenia kɔbonu kɔgye bɛnye. Sɛ ɔba sɔ a, bekonwu ye kyɛ abiɛngõɛ pá bɔ banya ne, ɔsõne tra bɔ bahwere wɔ ewiase nanu ne koraa. (Mak 10:29, 30) Sɛ enwu kyɛ Yehowa abusua ne nya ngɔsoɛ a, wɔ koso wɔnye kɔgye.

NEA VIDIO NWO YƐKYERƐ BƆ YEƐ OLE, BOKA WƆ BIBLE ASUAFOƐ MAA BƐPO ABIƐNGÕƐ TƐƐ, NA YE NZƐMMISA BƆ OLILI SO HEMƆ NOA:

• Sɛ bɛkã abiɛngõɛ tɛɛ a, okyire sɛɛ?—1Ko 15:33

• Sɛɛ yeɛ Jade fale y’adwene buli kyɛbɔ Kristofoɛ gye bɛnye a, osi te ɔ?

• Sɛɛ yeɛ Neeta bokale Jade maa ɔpole abiɛngõɛ tɛɛ ɔ?