Atënë so i hunda
◼ A lingbi e leke nzoni akungba ti e ti fango tënë tongana nyen?
1 Atâa so mbeni wafango nzo tënë aleke mbeni nzoni fango ye na li, a lingbi ti si so lo leke nzoni pëpe akungba so lo yeke sala na kusala. Tongana lo si na mbeni yanga-da, lo lingbi ti duti pëpe na mbeti so a hunda ti fa na nze ni. Yâ ti apériodique, abrochure, na atract so lo yeke na ni aba kirikiri wala asuru. Teti so yâ ti bozo ti lo ayeke na lege ni pëpe, lo yeke wara ye ti sû na mbeti wala mbeti ti sû iri ti azo dä pëpe. A yeke kota ye ti bâ nzoni akungba ti mo kozoni si mo sigigi ti fa tënë.
2 Nyen si a lingbi ti zia na yâ ti mbeni nzoni bozo ti fango tënë? Bible ayeke kota ye. Mû ambeni mbeti ti sû iri ti azo dä. Bâ nzoni wala mo yeke na buku so a hunda ti fa na nze ni. A lingbi mo wara nga afini périodique nga na atract na abrochure. Mû buku Comment raisonner. Kusala ti Royaume ti nze ni ayeke mû maboko na mo ti kiri ti bâ afango ye so a wa e dä kozoni si mo gue na mbeni yanga-da. Na yâ mbeni ndo ti fango tënë so mo lingbi ti wara azo so atene mbeni yanga ti kodoro nde, a yeke nzoni mo mû na tele ti mo brochure Une bonne nouvelle pour toutes les nations.
3 A lingbi mo leke nzoni na yâ bozo ti mo ye kue so mo mû ti sala na kusala. A hunda fini bozo pëpe, me bozo ni alingbi ti duti nzoni nga na saleté pëpe. Bozo ti mo ti fango tënë ayeke na popo ti akungba ti mo so mo mû ti fa na nzo tënë. Leke ni na lege ni.