Akode ti fango na tënë

Ti to nda ti a-étude na kozo samedi ti nze ti septembre

“Ambeni zo amä na bê so Bible ayeke buku ti prophétie so zo alingbi ti zia bê dä. Ambeni apensé so atënë ti yâ ni ayeke polele pëpe na zo alingbi ti fa nda ni na alege nde nde. Mo tene ti mo nyen?” Zia zo ni akiri tënë. Na pekoni mû na lo Tour ti Ba Ndo ti juillet–septembre, na bâ legeoko na zo ni mbeni oko ti akete li ti tënë so ayeke na lembeti 16 nga diko mbeni versê ni oko wala use so a fa tënë ti yâ ni pëpe. Mû na lo apériodique ni, na mä tere na lo ti kiri ti sara lisoro na ndo ti mbeni hundango tënë ni nde.

Tour ti Ba Ndo juillet–septembre

“Fadeso azo ayeke sara tënë mingi na ndo ti Harmaguédon. Mo pensé so azo alingbi ti sara mbeni ye ti kanga lege na singo ti Harmaguédon? [Zia zo ni akiri tënë.] Bâ ndo so tënë Harmaguédon alondo dä. [Diko Apocalypse 16:16. Na fa na lo ndo ti mbeti ni.] Mbeti ni afa akiringo tënë ti Bible na ndo ti ahundango ndo so.”

Réveillez-vous! octobre

“Mingi ti ababâ na amama aye si amolenge ti ala awara mbeni nzoni fango ye na ekole. Mo pensé so amaseka so awara adiplôme ti ala na ngoi ti e laso ala lingbi awe ti gbu lê ni na yâ ti akpale so ala yeke tingbi na ni na yâ ti fini ti ala? [Zia zo ni akiri tënë.] Bible afa so a yeke kota ye ti duti na hingango ye nga na ndara. Zia e bâ ni. [Diko Zo-ti-fa-tene 7:12.] Mbeti so afa aye oku so ayeke mû maboko na amolenge ti manda mbeti nzoni na ekole.”