Anzoni ye so zo ayeke wara tongana lo aidé amba ti lo

Gbâ ti azo ayeke na bezoin ti kobe nga na ndo ti lango. Ambeni abezoin gï ti tene a mû na ala beku ndali ti gigi ti kekereke. Tongana e aidé azo tongaso, a yeke nzere na Nzapa nga lo yeke iri tënë nzoni na ndö ti e.

MBETI TI NZAPA ATENE NYEN NA NDÖ NI?

“Zo so asara nzoni bê na azo ti mawa ayeke sara bon na Jéhovah la, na Lo yeke futa zo ni ndali ti ye so lo sara so.”—APROVERBE 19:17.

TI AIDÉ MBENI ZO AYE TI TENE NYEN?

Jésus afa lani mbaï ti mbeni koli so atï na maboko ti azo ti nzi na so ala pika lo nduru na kuâ (Luc 10:29-37). Mbeni koli so ayeke wande aluti na lo bâ lege ti koli so azo ti nzi apika lo sioni so. Lo aidé lo atâa so mara ti lo ayeke nde na ti koli ni.

Koli ni so asoigné kä ti zo so azo ti nzi apika lo nga lo mû maboko na lo na lege ti mitele, me lo sara nga si koli ni awara dengo bê ndali ti pasi so asi na lo so.

Nyen la e manda na lege ti mbaï so? Jésus aye ti fa lani so a lingbi e aidé azo, atâa a yeke na lege wa (aProverbe 3:27). Mbeti ti Nzapa afa so fafadeso Nzapa ayeke sara si yere nga na pasi ahunzi. Me tongana nyen la Nzapa ayeke sara ande ni? Nga lawa la lo yeke sara ni? Mbage so ayeke ga na peko ayeke sara tënë na ndö ti anzoni ye so Zo so acréé mo aye ti mû na mo.