Lege ti leke Bungbi ti Kusala
1. Nda ti Bungbi ti Kusala ayeke nyen? na tongana nyen e lingbi ti wara ye ti nzoni dä?
1 Nda ti Bungbi ti Kusala ayeke ti mû na e ye kue so alingbi si kusala ti e alë. Bungbi ni aluti mingi na ndo ti fango nzoni tënë ti Royaume, sarango adisciple na fango tënë ti ngbanga ti Nzapa so aga nduru nduru (Mat. 28:20; Marc 13:10; 2 Pi. 3:7). E yeke wara ye ti nzoni mingi na lege ti bungbi so tongana e leke tere ti e nzoni na e duti nduru ti mû mbage dä.
2. Tongana nyen e lingbi ti leke tere ti e ti mä diskur?
2 Diskur: Mingi ni a fa mbeti so a gboto diskur ni dä na yâ ti wango so a mû na wamungo diskur ni. Mo lingbi ti bâ mbeti ni nga aversê so a zia na yâ ni, na mo gbu li na ndo ni ti bâ tongana nyen ti sara ye alingbi na ni na yâ ti kusala ti mo.
3. Tongana nyen e lingbi ti leke tere ndali ti lisoro na lege ti hundango tënë na kiringo tënë?
3 Lisoro na lege ti hundango tënë na kiringo tënë: A yeke sara mbage so tongana mandango Tour ti Ba Ndo, na lege ti nduru tënë ti tongo nda ni na ti kongo nda ni. Luti na ndo ti angbongboro tënë ti paragraphe oko oko, na leke ti kiri tënë nduru na ndo ti tënë ti lisoro ni.
4. Na lege wa e lingbi ti leke tere teti lisoro?
4 Lisoro: Fade a sara mbage so tongana diskur, me ngoi na ngoi wamungo diskur ni ayeke hunda tënë na awamango lo. Tongana mo sû kamba na gbe ti angbongboro tënë ni na mo diko aversê so a fa atënë ti yâ ni pëpe, mo lingbi ti kiri tënë tongana a hunda tënë. Fade ita so ayeke sara mbage so ayeke sara kue ti yôro awamango lo na yâ ti lisoro ni ti sigigi na angbongboro tënë ni.
5. Nyen la ayeke mû ande maboko na e ti wara ye ti nzoni mingi na lege ti adémonstration?
5 Démonstration: Ambeni mbage ni ayeke ndu hakango peko ti atâ ye so ayeke si, ti fa na e tongana nyen e lingbi ti sara kusala na ni na yâ ti territoire. Fade a hunda na a-ancien wala awafango tënë so akpengba wala apionnier ti sara adémonstration ni. Na lekengo tere ti mo teti mbage so, pensé nga na lege so a yeke sara ande na ni. Tongana a haka peko ti démonstration so a zia ni na yâ ti Kusala ti Royaume awe, pensé na lege so mo mveni mo lingbi sara ni na ti gbian yâ ni alingbi na azo nde nde so mo tingbi na ala. Girisa pëpe ti mû ambeti wala apériodique so a yeke sara ande na démonstration ni. Na ngoi ti Bungbi ti Mandango tënë ti Nzapa na sewa ti mo na lakui, a yeke duti ye ti nzoni tongana ala tara ti sara ambeni démonstration ni.
6. Ngbanga ti nyen ti leke Bungbi ti Kusala?
6 Bungbi ti Kusala ayeke nzere mingi tongana e manda aye ni kozo na e gbu li na ndo ti anzoni ye so a yeke gue ti fa. Na mungo peko ti awango so, fade e kpengba tere mingi na popo ti e (aRom. 1:11, 12). Tongana e mû ngoi ti leke Bungbi ti Kusala, e yeke duti na aye kue so e yeke na bezoin ni ti sara na kusala ti e nzoni.—2 Tim. 3:17.